• Accueil
  • > الوطن ..الغربة والطبيعة

الوطن ..الغربة والطبيعة

حروف إلهام

أشْتا تاتا تاتا

vol12.gif

danse206.gif حروف  danse206.gifوصوت إلهامdanse206.gif

 

 

 http://R255682.copyrightfrance.com

 image5eu3.gif

أشْتا تاتا تاتا

أشتا تاتا تاتا

بشْوِيّة وتْباتا

 نطَلْبو الله الإغاثة

أشتا تاتا تاتا

أصُبِّي صُبِّي صُبِّي

الزّريعة في قُبِّي

rain.gif

من الجفافْ نَجِّينا

و لما(ء) اسْقينا

الخيرْ أعْطينا

ياربِّي نجِّينا

لْ الطريقْ اهْدينا

لأوْلادْنا خلِّينا

بالإيمانْ اغنينا

بالقناعة زكِّينا

allahnames1.gif

أشتا تاتا تاتا

 بشْوِيّة وتْباتا

 نطَلْبو الله الإغاثة

يا لطيف…يا لطيفْ…و يا لطيفْ

ألطُفْ بينا من حر الصيفْ

 بغِينا شْتانا  ترجعْ بعد الخريفْ

 و يرجعْ هوانا رطبْ أو نظيفْ

بحال جبال الأطلس أو الريف

يا لطيف…يا لطيفْ..أو يا لطيفْ

 boussafa charifa2008

 http://R255682.copyrightfrance.com 

vol12.gif

القلب مكناسي

vol12.gif

 

قَطْعتْنِي الغُربة

 

طرافْ طرافْ

لاحتْ طرف فْ طنجة

طرفْ فْ الكْويرة

طرفْ فْ جبال الريفْ

والقلب رماتُو فْ مكناسْ

أو مسحتْ عينِي من النعاسْ

خرجْتْ من أعماقي الذكرياتْ

ذكرياتْ دارنا فْ مكناس

جبْدْتْ ضحكاتِي وسط أهلي

سمعاتْنِي صوتِي وانا نغنِّي

قطعتني الغربة طراف طراف

لاحت قلبي ف مكناس

قلب يضرب يضرب

فْ عماقي ضربة الفاسْ

boussafa ilham 08/11/2008

maroc2122.jpg

photo de meknes bab elmansour 

 

vol12.gif

مكناس يا عروسة فْ القلب مغْروسة

vol12.gif

مكناس ياعرُوسة مرفوعة بين اسوارها
.
عرِيسها مولاي إسمَاعيل والزيتون نُوَّارْها
.
كلها بِيبانْ عالية مفتوحة ترمِي علِيكم عارْها
.
بْ ماها و زيتونها تغذّيكم امْشَرْطاهْ بْ اظْفارْها
.
الدَّاها والدَّها مولاي إسماعِيل مولاها
.
الدَّاتُو والدَّاتُو للاّ مكناس مولاتو
الدَّاها والدَّاها مولاي إسماعِيل اللِّي بناها
الدَّاتُو والدَّاتُو هي بالآثاراتْ بصماتُو
دخلاتُو ف التاريخ والناس ما نساتُو
مكناس كالدُّور بين اسوارها كالدُّور
اللي حب يتمتّع من صهريجْ السواني لباب المنصور
نَقْشُوا لها احْنِينَة.. جِيبُوا الجاوي و البخور
يا ما(ء) مكناس.. ياعسل الجبال
فيك دوا(ء) النفس و راحة البال

يا هوا(ء) مكناس… يا صدر الوالِيدا

عليك التَّكِّيتْ.. و طَوَّلت التنهيدة
يا شمس مكناس ياشَقْرَا بين السَّمْراتْ
عيونك الصفرا ترارِي بالزِّيتُوناتْ
غير الذّوقها بأنواعها تنسى هم الحياة

زغرتوا يا المكناسِيَّاتْ

ف جنة الحياة
جيبُوا لَهديّاتْ
لْ زينت لَعروسات
الله م صلِّ عليك أرسول الله

جيبوا للعروسة عِيساوَى

خَلِّيوْها تجذب و الدَّاوا
خَلِّيوْنِي نجذب عل الدقة المكناسية
خَلِّيوْنِي نبرّد نار فراقها اللِّي فِيَّا
خَلِّيوْني نجذب عل الدقة العِيساوِية
انسى غربتي ف الدِّيارْ الفرنسية
خَلِّيوْنِي نتحيّر على النغمة العِيساوِية
خَلِّيونِي نجذب على فراق المَّالِيَا
خَلِّيوْنِي نتحيّر على غضب الدنيا
ماتشدُّونيش ها العار حنُّوا فِيَّا
خلِّيوْنِي واخا يعواجُوا يدّيَّا أو رجليّا
ها الزين الفتان هاهو
إنَوَرك و تزيان
ها سلطانة العرْسانْ هاهي
يا عظِيمة البُنْيان
يا لُون الرمان
من قديم الزمان
من أجمل البلدان
مع ناسها الجلسة تزيانْ
مكناس مرهونة
عند احبابها مرهونة
فْ دار الجواد مرهونة

خَدْ مكناس… يا ساحة لَهديم

فيك لحلاقي تحيّد الضِّيمْ
سماكْ صافية عمرها ما تغيم

الله على طاجين!الله على برّادة بصنعة يدّيّا

الله على نقش الأسواررْ!الله على نقش فْ الصِّينِيّة
الله على طَرز فْ الجلاَّبْة!فْ البلغة و الخَدِّيَّة
بيتها من زمان محافظ عَلْ الأصالة المكناسِية

بفضلك و بفضل جَارتنا الدار الفاسِية

هاكذا يكونوا بنات رجال المحضيّة
يافاس يا الأم العِلْمية
يامنبع التراثْ و الجِدِّية
ياعوينة تروي المدن المغربية
بْ نقشها و حِرَفْها التقليدِية
بْ طَرزها تبارك الله عل الفاسية
هاكذا يكونوا بنات رجال المحضية
متّحدين و محافظين عل التنميّة
آجِيرانَّا قولوا لْ جِيرانْكُم
المغرب دِيالْنا
بْ صدرو إيغَدِّيكم
آجِيرانَّا قولوا لْ جِيرانْكُم
المغرب دِيالنا
بْ جَمالُو يفتنكم
فْ قلبو يسكّنكم
يالله يا مغاربة هزُّوا الرَّاية
هي الطابع،هي الأصل والغاية
اللي ما شطع ماغنّى
فْ المغْرِب يتهنّى
وِ نال كل مايتمنى
هو ف الدنيا جنة
مكناس كآلدُّور
بين اسوارها كآلدُّور
بين المدن كا الدور
ف باب المنصور
فْ الزيتون كالدور
ف حمرية كالدور
عند المغاربة كالدور
الله م صل عليك أرسول الله

ilham boussafa
21/03/2008

332020bassin20souani2020062007.jpg

 

vol12.gif

http://R255538.copyrightfrance.com

vol12.gif

 

الرابط …  fleche041.gif اقرا صمتي القريب و البعيد

 

الوطن ..الغربة والطبيعة  dans 7argou w't7argou vol12

 اقرا صمتي القريب و البعيد

vol12 dans 7argou w't7argou

ف ظرف ملون و جميل


بطابع غريب

 

تلقاني…

صفحة مطوية

 

حُلني غير بشويه

لا تكن قاسي حتى أنت عليّ

نتمنى يدِّيك تكون نقيّه

اقراني…

ولى كنت جاهل حروفي
اتعلم…

لغتي ساهلة و بسيطة

يكفي تفتح قلبك

و تولي عايش زماني

 

اقرا لغة عيوني

 

اللي ما عرف لها لساني

اقرا صمتي القريب و البعيد

اللي ما يتكتب ولا تنحتو يد

افهم المعاني

احفظني

و اعرضني على اللي انْساني

على اللي اتناسى قصتي و مكاني

اكتبني كيف ما أنا

بحروف دموعي

بصمت وجداني

غنيني

بعزف من ألحاني

يمكن يسمعني

ويفهمني اللي اطْواني

و ما تنساش الطابع الغريب

اللي هْهه شافوه غريب

اتمعّن فيه

تلقى عنواني

اقراني…

باش اتحافظ على كل حرف

كل شبر

و مللي اتكمّلني…

انستقبلك بكل ألواني
vol12
بالزهور والأشجار

بالوديان والأنهار

عروسة ب لَحناني

نحضن ولدي الإنسان

بكل حب و حنان

اللي اقرا و فهم لغة ترابو

و بها يلقى مصدر عذابو

و واللاّ معايا إنساني

قبل ما تمشي بعيد واللاّ تبقى قريب

اتقرب لي باش تلقى نفسك يا الغريب

تمّ مكانك و مكاني
vol12

 

 

 

على تراب الشمس الفايقة

vol12.gif

من بلاد بعيدة


سمعت صياح الدِّيكْ

 

مشيتْ أو جيتْ مع صياحو

فيقْ صمت الكتْبة

بجمال نوّاحو

بدات حروفي تتكسّلْ

تتفوّهْ بالآآآآآآآآه

جمعتْ غطاها

  و نشرْتُو على سطح راسي

باش يتهوّا

ما يعواجْ

ولا يتْلوّى

من بلاد بعيدة شميت روايْحْ

مممممممممممْ

كرعين بايْتين فوق المجمر

غير بلاّتي

بالمهلْ

بلا زربة على صلاحْ

كرعين شحال مشاوْا أو جاوْا

فوق العافية

تشواوْا من حر الزمان

أو راهم كايطيبُوا

على جمار زاندة

جمار الأيّامْ

هما طابُوا أو سلاوْا

بحال الخرافة

اللي مشات مع الوادْ

طابُوا الكرعين

أو فضّاوْا

فوق سطحْ عريانْ

اللي طل منّو يطيحْ

واخّا يكون قافز و صحيحْ

من بلاد بعيدة

شمسها ناعسة

ما يفيّقْها صداع  دخّان

ولا صبّاط المزروب

اللي ما يوْقفْ من الهروبْ

ما همّو لا شروق ولا غروبْ

همّو الجري ورا الخبزة

من بلاد بعيدة

شمسها ناعسة

تنوض غيرْ تفطر

واللاّ تتغدّى

ما تمتعْ حدْ بشروقها

ولا بْ حرها تتعدّى

من ديكْ البلادْ

المغطية بْ الضبابْ

سمعت صياح الدِّيكْ

شميتْ روايحْ

دمعتْ عيني

زغردْ قلبي مع صياحو

مع قول  الله أكبرْ

هزِّيتْ كفوفي

وطلبتْ الخالق

  نعيش وْ نموت

على تراب الشمس الفايقة

 المشمرّة

 المحمرة

الشانتة بخيوطها

 ما تتخبّع وسط حيوطها

 

 من ديك البلاد 

 

تمتعت بْ نايْ الدِّيك

ilham 19/04/2009

 

vol12.gif

 

 http://R255682.copyrightfrance.com

 

 

vol12.gif

 

 

 

 

****

زرْبِية من الربيعْ

*********

على زرْبِية من الربيعْ رْخِيتْ ذاتِي

زربية العِينْ فيها الدِّيعْ وْتْهنِّي حياتِي

من صنع اللإله الرفِيعْ تْنَسِّينِي الآتِي

زَرْبِية ممنُوعَة للبِيعْ هي فراشِي وْأتاثِي

زربِية خضْرا مْنَبْتَة بْ وردْ أبيضْ صغِيرْ

تْرْخِيكْ بْ النَّظْرَة بْ فراشْ ماهُو قطنْ ولا حرير

ربيعْ مثل اشْفارْ العِين يْتْمايْلْ مْخَبَّلْ

عْليه النْدى بحالْ بْكى العِينْ إيهَبَّلْ

ياربيعْ أخضرْ يا لُونْ الجنة

عليكْ نغَدِّي جْوارْحِي وْ نتهْنَّى

وعلِيكْ نحلم بالحاضْرْ أو نتمنّى 

 15/04/2008

***

آشْمن نهار نرجع لْبلادي

**

من بلاد بنيت فيها حياتي

الناديك يا الغالية…يا مولاتي

نحلم  نعيش فْ ترابك فْ الآتي

نْدِيرْ باشْ نعُودْ لِيكْ بْزْهوراتِي

نْغَطِّيكْ ونغطِّي أمي وْ وْلِداتِي

آشمن النهار نرجع يا مولاتي

 أنا وْ حُلْمي ليل ونهار فْ الدْبازْ

خايف نرجع  محني أو بالعكّازْ

خايف إيفُوت الفوتْ أو تتكسّرْ أحلامي

خايف نْبقى صايم أو ما نْكسرْ صيامي

خايف من الغربة والوحدة تولِّي دوامي

و اللِّي بقى من الشمعة يْطْفيها ظلامي

خايف شمسي الشارقة يْغطِّيها غيامي

يا بلادي..ياصدر كريم منو رضَعْتْ

سقيت عروقي بيه كبرت أو شبعْتْ

على ترابها شحال جريتْ وْ ركعْتْ

من أجلك يا الغالية نجري ونْجاري

من أجلك نبكي والحزن بيَّ إيراري

راني فْ بلاد ماشي بلادي ولا فيها  نوّاري

نخْبطْ فالغربة والوحدة تخبط ليلي و نهاري

نعوم فْ عاداتْ عمّرْنِي ما دخّلتْهم لدارِي

وانا فالأعياد بينْ أربع حيوطْ ماجابْ حد خباري

يا بلادي..يا جبال الأطلس والريفْ

بكيوْا معايا..بكيوْا على هذْ العبدْ الضعيفْ

اللِّي هجْرْ بلادُو..ماشي لْخاطرُو..بالسِّيفْ

كان يْتْمْنّى يْتْفرّ شْ ثرابْها  وِعيشْ شريفْ

بْكِيوْا معايا..بْكِيوْا حتى تشرق شمس الصيفْ

أو نجِي فالعُطلة لبلادي ماشي زائر ولا ضيفْ

أنا منها أو هي منِّي..هي دوا قلبي الحالم الرهيفْ

آشْمن نهار نرجع لْبلادي

ilham charifa boussafa 23/07/2008

سالْ المْجَرَّبْ

تْعالى ياخُويا مالْكْ غادِي أو تْتْهَرَّبْ

لا تْكُونْ غْضْبانْ أو سالْ المْجَرَّبْ

سالْ اللِّي ذَاقْ الوحْدة وْ تْغَرَّبْ

دورْ لْعَنْدِي كونْ تْسْمعْ أو قَرَّبْ

ما ناوي نْريّْبْ ولا حياتك نْخَرَّبْ

دورْ لْعَنْدِي أو تْصَنَّطْ لِيَّ ياخُويا

يا راجْلْ البيتْ بعد موتْ بويا

أنا هْجْرْتْ البِيتْ هذِي شْحالْ

تْمْنِّيتْ نْكونْ فْ بْلاصْتْكْ مازالْ

ندِيرْ شي صنعة أو انْمَشّي الحالْ

مشى عُمري فْ الجْري عل المالْ

أو ها نْتَ ك تْشوفْ بْعِينْكْ الحالْ

تْمْنِّيتْ رْضا أمِّي عْلِيَ كل صباحْ

أو عُشْنا الصغِيرْ اللِّي فِيه نْرْتاحْ

أنا فْ بْلادْ الغُرْبة كِيفْ الغْرابْ

لا جِيرانْ لاصحابْ لا حْبابْ

boussafa charifa22/03/2008

<a title= » Site déposé sur CopyrightFrance.com  » href= » CopyrightFrance.com


12 Réponses à “الوطن ..الغربة والطبيعة”

  1. NEZHA dit :

    BONSOIR CHARIFA CE POEME EST EXTRAORDINAIRE IL ME RAPPELLE LES CHANSONS D EL MELHOUNE EL HAJ TOULALI ALLAH YERHMOU ET EL HAJ MOHAMMED BOUZOUBAA QUAND IL A CHANTE EDDEMLIJ.
    CONTINUE A NOUS FAIRE VOYAGER ET NOUS FAIRE REVER. MERCI BEAUCOUP. NE NOUS OUBLIE PAS ON TE SUIT SUR LE CHEMIN QUE TU AS TRACE POUR TOUS CEUX QUI ONT EU LA CHANCE DE LIRE DES POESIES. BON COURAGE. FATIMA DE FES.

  2. naoual dit :

    salut charifa
    j été étonnée par ce ke tu as ecris merci beaucoup.
    ana meknassiya bessa7 ma3aychach f mekness
    et une fois 9rit ce ke tu as ecris tbourch 3liya le77mi… wallah
    tbark allah 3lik
    naoual

  3. laila lamrini dit :

    Bonsoir chère Ilham
    bravo bravo ça me fais joie au cœur quand j’ai lu tes poèsies vraiment sont magnifiques ça se voie que vous etes une vraie Marocaine et une vrais meknasia comme moi les paroles me touches oui nous avons des jolies choses dans notre payer.
    j’ai visiter pas mal de pays mais comme le mien je ne trouve pas.
    gros bis de l’artiste et la contactrice du patrimoine Marocain
    laila lamrini

  4. abdelmjid afkir dit :

    o3jibto bi kalimatiki sa7ira ra9ii9a bitama3onin 9araatoha wa bara7to oraji3oha kola da9i9a aradto an ojamilaki bi kalimat o3abiro fiiha 3an i3jabi wa ya asafaah lam anja7 li ani wajadto lmojamala 7a9i9a

  5. وردي عبد الغني dit :

    كلمات رائعة وإن جانبت في بعض الأحيان ما ورد في التراث
    لكني أعجبت في طريقتك في التعبير…

    أنا أيضا قمت بتجربة أدبية للتراث المحكي المغربي بالدارجة وقد كانت من إصدارات المعرض الأخير.
    أتمنى أن أستفيد من تجربتك الغنية.
    كتبت مأخرا مجموعة قصصية بدارجة الحكي الشعبي
    بنت الدراز – هاينة – نجمة للا شامة – الوزير بوطاقية – أجرادة مالحة – هاينة

  6. hanaa dit :

    lhkaiate zwinine w 3andhome m3ani jmiline

  7. hanaa dit :

    bonsoire les amis(e) je dit a toutes c’est les histoires très joli et en a un (ma3na jmile w taifatah l9loube lga3 nas) alez bonne nuit a tous les amis.

  8. Anonyme dit :

    nice

  9. Bent Meknes dit :

    أقولها واحلف بربي و ربكم المعبود
    مكناس يا اجمل مدينة على الوجود

    مكناس يا جنة الله على ارضه
    يا اجمل مافي الكون بطوله و عرضة

    انتي حرف حزين يبكي في ذاكرة الزمان
    ضاع وتاه في غياهب البعد و المكان

    انتي جوهرة تركت لعبث السنين
    ضاع بريقها واختفى بحرقة وأنين

    تركوا لك بقايا من ذكريات
    تحكي للأجيال عن غدر الحياة

    من يمسح عن عينيك غبار الجفاء
    من يعيد اليك شبابك الذي ضاع هباء

    بنت مكناس – السعودية
    meknes6@gmail.com

  10. saber dit :

    je demande si je peux monter ce texte..je suis un amateur de theatre

  11. saber dit :

    النص جميل وقد أعجبني وأود التعامل معه على الخشبة ادا كان دلك ممكن ؟

  12. brahim azioual dit :

    merci bcp

Laisser un commentaire

 

cornillonchristophe |
Les Livres de Loïc ! |
UN PEU DE POESIE |
Unblog.fr | Créer un blog | Annuaire | Signaler un abus | Franck Bellucci
| Les maux du coeur
| Mes mots...