• Accueil
  • > ياسحابة سيري سيري

ياسحابة سيري سيري



ياسحابة سيري سيري dans 7argou w't7argou vol12

vol12 dans 7argou w't7argou

ياسحابة سيري سيري
…..

يا سحابة سيري سيري… خلّي عليك سمانا

توحّشنا شمسنا الذهبية تبان و تضحك معانا

شكون قالك غطّيها…سيري حيْدي من احْدانا

اهْلْ الحَالْ يَا اهْلْ الحـَــــالْ امتـــــى يصفـــــا الحـــــال

تزُولْ لْغْيُومْ عْلَ العـُـرْبـَـانْ وتــتــفــاجــــى الأهـــــوال


.
يا سحابة سيري…خلّي عليك القمر و النجوم

خوذي اعجاجك و رعدك… اللّي زادونا هموم

يبقى بابنا مفتوح… مانسدُّوه بقفل ولا زكروم

….

اهْلْ الحَالْ يَا اهْلْ الحـَــــالْ امتـــــى يصفـــــا الحـــــال

تزُولْ لْغْيُومْ عْلَ العـُـرْبـَـانْ وتــتــفــاجــــى الأهـــــوال


.
يا سحابة سيري سيري…ما تكحليها بلْعمى

هزّي هياضْرك وسيري و جرّي معاك الظلمة

واللاّ زحمي شتا يا سحابة باش تنزل الرحمة

….

اهْلْ الحَالْ يَا اهْلْ الحـَــــالْ امتـــــى يصفـــــا الحـــــال

تزُولْ لْغْيُومْ عْلَ العـُـرْبـَـانْ وتــتــفــاجــــى الأهـــــوال


ilham boussafa
27/11/2015

vol12

التواضع…التواضع آآآ السحابة و فهميني…


……………………………….

تزادت ف السحابة ضلعة و قالت للشمس… أنا قادرة انغطّيك

يكفي ننشر هيادري ف كل قنت من السما… و ف لحظة نجليك
.
طلعت الشمس مشمرة على ذرعين نورها و ذوبت السحابة بالفن

ما حتاجت تحكي هي اشكون… و بلا غرور…عطاتها لجدّارة لوْذن

.
اللي سكنو جن الغرور…خليه كيف السحابة تنزل تجذب بشتاها

و يبقى غير الصّح…كيف الشمس…اللي ديما تشرق ف سماها

….
ilham boussafa
28/04/2016

منّي و اجْبد

…………

اللي ابْغَ يشوف الشمس ف الليل…يبدا من ذاتو

يحيي معاها صلة الرحم…تنور و تزيان حياتو

الحياة كا تعلّمنا كل نهار حاجة و حاجات

غير خاصنا نبقاوْا متصالحين مع الذات


ilham boussafa

28/11/2011

..

كلامي حدُّو قدّو
…………………

ابغيت نتكلّم…لقيت سكاتي ما خلاّ ليَ فين نهضر

خفت نقاطعو بالسمن و العسل… يغضب منّي و يغبر

حيت لساني قدام سكاتي…نقطة تواجه عظمة لبحر

بشمس شارقة و بسحابة باكية…سكاتي فيَ كايعبّر

ilham boussafa
22/11/2015

..

Une Réponse à “ياسحابة سيري سيري”

  1. Anonyme dit :

    salam khti lah ya3tik sahha fatima de kénitra

Laisser un commentaire

 

cornillonchristophe |
Les Livres de Loïc ! |
UN PEU DE POESIE |
Unblog.fr | Créer un blog | Annuaire | Signaler un abus | Franck Bellucci
| Les maux du coeur
| Mes mots...