• Accueil
  • > (4) حكم وأمثال إلهام شعبية مغربية

(4) حكم وأمثال إلهام شعبية مغربية

 

dj240x320.gif

 

(4) حكم وأمثال إلهام شعبية مغربية

..

la photo de profil de Nouamane Lahlou

Nouamane Lahlou a partagé votre photo.

إلهام بوصافة

 

زجالة مغربية بالمهجر

.
لمن يهوى الزجل المطرز بريحة وثقافة البلاد .

.
صور شعرية قوية ، ونادرة متجذرة من الأمثال الشعبية .

 

برافو إلهام

الرابط …  fleche041.gif

https://www.facebook.com/nouamane.lahlou/posts/598397823660213

..

.

…..

…..

Ma page facebook

الرابط …  fleche041.gif

(4) حكم وأمثال إلهام شعبية مغربية  dans 7argou w't7argou
حروف إلهام  ilham boussafa

 dans 7argou w't7argou

إيلا طلع و فاض دمك


و ما بقى عندك ما يدّار

دير يدّك على فمّك

و باركة من حفير لبْيار


.

العيب ماشي ف اللي ديما كا يفوّج على لسانو و يهضر

العيب ف اللّي فيه عرّام د الهضرة حتى اعواج ليه الظهر

و ذاتو اتفرقع فيها دلاّح سكاتو و واللاّ صداعها فيه ينجر

..

.

آحيّاني عَلْ لَمرا اعْلاش كُنتْ امْعَوَّلْ

ما تعرّفت عليها ولا فْ آصلها نسوَّلْ

جابتْ اوْلادها رجال هلكُوني من الأوَّلْ

نخْوِي لهم جيابي و ف الدَّارْ ما نطوّل

..

.

وكلات رجلها لسان لَحمار

باشْ ما يدّي ما يجيب ف الدَّارْ

واللاّ تالف ب اشْواري ف الدُوار

إيهَرنط و يحكي جميع الأسرار


..

عينك مدفع و لسانك فاسْ

تْشَتَّتْ و اتْرَيَّبْ جدر الساسْ

عِينك مسمار يضرب فْ الراسْ

و لسانك ريحْ قويّة تطيّر النعاس

كون مبشور باركَة من لَقياسْ

انْفضْ غبرة القلق و الوسواس


..

..

نهار قتل راسو عاد شافو طاير


كون ما قتلوش ما يبقى حاير

بانت ليه الكسدة جامدة قدّامو

عاد فهم علاش كان كاره ايّامو

..

..

..

اللّي ابْغَ يقتل الظلام اللي مكحّل صباحو


يموت دقيقة و يفهم علاش كتافو طاحو

..

..

.

المسخوطْ …عمرو ما يقنع

اللِّي نسى لَكتاف فاشْ اطْلع

و نكر البزُّولَة اللي منها رضع

..

..

..

قلبها مع راسُو يتكسّل

و هي بالخديعة تتعسّل

رجلها تقيّل فيه اتْغسّل

كِالثوب تقطّع فيه و اتفَصّل

..

..

.

الرماد يا إنسان أَصْلُو فَاخْرَه

و الفاخره تقدر بنارها تغدر

تبرّع بالدنيا و اعمل للآخرة

و تخلّق بفعل الخيرْ و اصبر

الحياة لذيذة بألوان زاخرة

واحد النهار تحل عينك ف لقبر


..

أَرَاما تتزوّق مع راسك و تتجبّد

هُما يوصلو و انت تبقى اللُّور تتغدّد

ياكْلوا اللحم و انت ف لعظام تكدّد


..

كان جالس ما يدوِي… بعقلو

غير نبشُوه…و هو يزهق لو


http://www.facebook.com/media/set/fbx/?set=a.1567294196130.77897.1648688647#!/media/set/fbx/?set=a.1567294196130.77897.1648688647#!/photo.php?fbid=1764846254808&set=a.1567294196130.77897.1648688647&type=1&theater

اشْحالْ هزّيت بِيكْ وسط النَّاسْ احْسابْ لي بنادم


مللِّي جلستي و انت تمسح الرّجلين كيف الخادم


..

قال… آجِي نجمعوا الزبل اللِّي لَحنا قبل مايشوفونا


أجاب…اللِّي ابْغَ يشوف يشوف و مالهم كايعرفونا..؟َ


..

الحاسد الله ينجّيك من بعينو

كِ المسمار إيطرقَك

مشغول بيك و ناسي دينو

ف لَكذوب و الحقد إيغَرْقَك


..

.

أرَامَا تبدّل فْ لَغْلافْ

الدَّعْوَة ف لَعْقَلْ ُو لَكْتافْ

..

..

واش القلب…كتاب مفتوح…؟
………

قال…الشاعر الطيب هلو
.
قلبي كتاب مفتوح ليس صعبا عليك أن تقرئيه

و إن داهمك النوم…لا تنسي أن تغلقيه
..

قلت
..

القلب كتاب… يفتح الصفحة اللّي ابْغَ و فيها يخبّي سطور

يطوي صفحات بيارها غارقين و امواجها هايجة عل لَبحور

ما يعرفك بكان و أخواتها…و لا بحرف الجر و المجرور

ilham boussafa

Une Réponse à “(4) حكم وأمثال إلهام شعبية مغربية”

  1. oussama dit :

    hkayt tier flgalb likolha 3dab ya riet lokan tier itier witgsar jnaho lokan lgalb maykon f3dabo,,,,,,,,,,,,,,,,,,,

Laisser un commentaire

 

cornillonchristophe |
Les Livres de Loïc ! |
UN PEU DE POESIE |
Unblog.fr | Créer un blog | Annuaire | Signaler un abus | Franck Bellucci
| Les maux du coeur
| Mes mots...