• Accueil
  • > لَـبْـكَـا مـورْ المَـيٌـتْ خْـسارة لأخي محمد المهدي السقال

لَـبْـكَـا مـورْ المَـيٌـتْ خْـسارة لأخي محمد المهدي السقال

 

لَـبْـكَـا مـورْ المَـيٌـتْ خْـسارة  لأخي محمد المهدي السقال

 

 

الرابط fleche041.gif

لَـبْـكَـا مـورْ المَـيٌـتْ خْـسارة    

 

 

….

 

محمد المهدي السقال

الصورة الرمزية محمد المهدي السقال

 

 

إلى أخيتي إلهام بصفا


صاحبةْ لَـكْلامْ الموزونْ وَ صْـفا

لَـبْـكَـا مـورْ المَـيٌـتْ خْـسارة

 

قالوها زمانْ

رجالْ واشْ مَنْ رجال صَبٌارة

الدمعة الحارٌةْ فعْيونْهمْ جُوهارة

ما تْسيلْ ما تَنزَلْ بارْدة الشٌانْ

فجْفانْ بايْنَة غدٌارَة

لَبْكَا مُورْ المَيٌتْ خْسارَة

قالوها زمانْ

رجالْ ماكانُو سَمْسارَة

اليُومْ هْنَا وْغَدٌا لْهٍيهْ

الرٌابَحْ يْصَفْقو لِيهْ

و الخاسِرْ يَتْعَزٌا فْحْياتُو

قالُو الْخَيْلْ لَقْصِيرْ سَاهَلْ فْرْكُوبُو

وَ نْسَاوْ شْحَالْ صْعِيبْ فـْلْجامُو

يَاكْ النٌمْلة طَيٌحَتْ لْفيلْ بَصْحَابُو

ما نْفَعْ مْعاها نْفِيخْ فْجْنابُو

زْمَانْ قالُوهَا سْيَادْنا لْـوالاَ

كَـيْـنَـقْـبـوهْ دْجَاجْ

الٌلِي دارْ راسُو فـْـنُخٌالَـةْ

و لٌلٍي هْرَبْ عْليهْ لـْـمَا

وَسْطْ الِرٌيحْ وْلَعْجاجْ

مْشَا يَدٌيهْ لْــوادْ

مَا تْـنَـفْـعُـو نْــوٌالَـةْ

==

إلهام بُصفا

الصورة الرمزية إلهام بُصفا

 

لَـبْـكَـا مـورْ المَـيٌـتْ خْـسارة  لأخي محمد المهدي السقال dans 7argou w't7argou vol12
 

 

مرحبا و مائة مرحبا بيك
الحرف اليوم نوّر


زغرت

 

افْرح
فرش الورد تحت رجليك

إيلا سمحتي انقاد الجلسة

 

اندوّر بحروفي لمخاد

ننقش لها الحنا

باش تستقبلك

 

خفت عليها لا تبقى اللّور

 

تعيا تتحرك و ما توصل ليك

 

إيوا صلي ع النبي الحبيب

 

نشمس حروفي حتى ترجع زبيب 

و ما نمخض الحليب حتى يريبْ

vol12 dans 7argou w't7argou

 

سامحني إيلا مشيت بالمقلوب
غير أو كان
تعلمت هنا و لهيه
ما نسيتْش هنا
و زدت حروف لهيه
كلامي ما فيه إيدام
ناشف
حرفي
ما يدوز
لا بما
و لا مع هْههْ نعمة
ما يتنضغ
ما يتسرط
تعلمت ف بلادي شلاّ
و ف بلاد الناس شلاّ و شويه
إيلا شتيني كا نشوف بالمقلوب 36_1_5
راه الخوخ يداوي واخّا راسو مثقوب
إيلا كان كلامي ماشي خو كلامك
يمكن ف شلاّ
يمكن ف شويه
ياك شحال من خو ما يشبه خوه ؟
و شحال من ولد ما يتبع حرفة بوه ؟

vol12

 

اقتباس : المشاركة الأصلية كتبت بواسطة محمد المهدي السقال [ مشاهدة المشاركة ]

إلى أخيتي إلهام بصفا
صاحبةْ لَـكْلامْ الموزونْ وَ صْـفا

لَـبْـكَـا مـورْ المَـيٌـتْ خْـسارة
قالوها زمانْ
==

 

إلهام بُصفا

الصورة الرمزية إلهام بُصفا

 

vol12
خسارة…
إيلا لبكا فات فيه الفوت
شد الركنة و يساين الموت
ما بقى حد يشوف فيه
لا لوذن تسمع ليه
ولا تغزل معانيه
vol12
الدمعة…
بنت دارهم
تحشم
و العين ليها تحنَا و ترمش
تساين يجي السعد
يدق ف بابها
يديها…يدّيها
و الله ما يخلّيها
دمعة
تحلم تمد يدها للحنّا
و التّرْفعْ كيف لاليّاتها
التّرفع للعين
تخرج بالزغاريت
من دارهم
تمشي بالشربيل و القفطان
ف ساحة الخد
تخلي أمها يبكي
البّاها يبكي
و خواتاتها تطل
و تساين يوم السعد
يوم الطلعة للعين بالعمّارية
و الهبطة على الخد بشويه
خسارة…
إيلا لبكا فات فيه الفوت
شد الركنة و يساين الموت

عمر لبكا على الميت ما كان خسارة

 

il faut faire le deuil

 

كيف قالوا النصارى

vol12

اقتباس : المشاركة الأصلية كتبت بواسطة محمد المهدي السقال [ مشاهدة المشاركة ]

رجالْ ماكانُو سَمْسارَة

اليُومْ هْنَا وْغَدٌا لْهٍيهْ
الرٌابَحْ يْصَفْقو لِيهْ
و الخاسِرْ يَتْعَزٌا فْحْياتُو

 

………………………………………………………………………………………………………………

إلهام بُصفا

الصورة الرمزية إلهام بُصفا

vol12
ما يتعزّا ف حياتو غير اللي ما عندو نفس
منفوخ بالخاوي و اولادو بايتين على الضس
عايش يقول أنا و أنا و ف المعقول يقطع الحس
vol12
اللي ربح بالحلال يستاهل الناس تصفق ليه
ما يدوم غير الصح و الخاوي دابا يتقطعو رجليه
vol12
ياك قلت لك آ السي السقال
كلامي ما يشبه لخو كلامك
يمكن ف شلاّ
يمكن ف شويه
ياك شحال من خو ما يشبه خوه ؟
و شحال من ولد ما يتبع حرفة بوه ؟

 

 

 

 

 

اقتباس : المشاركة الأصلية كتبت بواسطة محمد المهدي السقال [ مشاهدة المشاركة ]

زْمَانْ قالُوهَا سْيَادْنا لْـوالاَ

 

 

إلهام بُصفا

الصورة الرمزية إلهام بُصفا 

 

كَـيْـنَـقْـبـوهْ دْجَاجْ
الٌلِي دارْ راسُو فـْـنُخٌالَـةْ
و لٌلٍي هْرَبْ عْليهْ لـْـمَا
وَسْطْ الِرٌيحْ وْلَعْجاجْ
مْشَا يَدٌيهْ لْــوادْ
مَا تْـنَـفْـعُـو نْــوٌالَـةْ
==

 

هذا حوار بيني و بين أخي بنعيسى الحاجي

قال الأخ بنعيسى

بنعيسى الحاجي

الصورة الرمزية بنعيسى الحاجي

مشرف الزجل

starstarstar

اللي دار راسو ف النخالة تينقبو الدجاج
وانت عقلك للوصية ما يحتاج
سرك معاك
ومن مضاوتك ما بقى شاي
وحروفك حامياك
غير ايلا بغيتي تنساي
وباب دارك حديد
ومركبالو ارتاج

vol12

 

إلهام بُصفا

الصورة الرمزية إلهام بُصفا

 

ديما دايرَة راسي فْ النخّالة.. مسكين الدجاج اعْيا فِيَ ما ينقبْ
واللاّ بلا منقارْ حالتو حالة ..غير يشوفْنِي يتّحْنا و فيَّ يرغبْ
خلِّيتُو غارقْ فْ جلايْلو واللاّ دايْر بْ حسابِي غير بْ شوفة منِّي يندبْ
…..

أنا عزيز عليَّ ندير راسي فْ النّخّالة
نلبس صبّاط عصري وما ننساشْ النعالة
عزيز عليّ نحط راسي هنا وْلهيه
نتعلّمْ..نتفتحْ وْ الشيطان ما نقرّبْ ليه

نضحك بكل اللغاتْ
ما نْطيح فْ التفهاتْ
نتجنّد بْ ديالي وْ اللِّي ماشي ديالي
نبنّدْ عقلِي وْ نخرّجْ نيابُو بْ العلاّلِي
نديرها زوينة..ننْصح لله.. ماشي معامن ولاَ.. و مانخافْ

عيني محدورة بالحشمة..النيف وْالراس مهزوز عل لكتافْ

 

….

ندير راسي فْ النخّالة إيلا كنت قدْها وْ الدجاجْ عارفاهْ
نعارْضو…نوبْخُو…نوَكلو… نبكِي معاه و ناخذ الآجر لله
ويلا كان الدجاج غريبْ..ماعرفتو سبع واللاّ ديبْ نخلِّيه لْ مولاه

بنعيسى الحاجي

الصورة الرمزية بنعيسى الحاجي

مشرف الزجل

starstarstar

…..

ايوا زيدي على حالك يا لمجدوبة


وفي الدنيا شدي الـصف والنوبة

 

ما يغرك غرار


وتشوفي شوفة مقلوبة

 

عانقي عقلك و ساعفيه


ولا تراري بحداﯖتك

 

وتمشي مشية مزروبه

 

الديب على النعجة يهمز


ايلا تفرزت ف اسهوبة

 

وخرجي راسك من النخالة


غسليه حمحميه ضربيها بتحليقة

 

وقاديه سومو يغلى

 

واللي شاف واتشهى

 

يجي بالوفا ويعربن عليه

 

ما تبقى فيه نخالة


ولا نقابة ولا هرتالة ولا ﯖوالة

 

لا غياطة لا نفارة ولا طبالة

 

وتسماي خالتي عمتي

 

والشريفة ولــلا

 

إلهام بُصفا

الصورة الرمزية إلهام بُصفا

 

vol12
النخالة ..واخّا نعوم فيها مانتوسّخْ و ما ينقبني دجاجها
نخرج كيف دخلتْ نقية..صافية و ما يلوحني عجاجها
أنا فْ بلاد نربِّي أولادْ عاشوا فْ النخّالة ومرّضهم دجاجها
عاشوا فْ العصا..الجنس..الخمر…أو زيد أو زيد
دخلت فْ نخّالتهم باش نفهمهم و نورِّيهم النور البعيد

أنا ديما فْ النخّالة
ما نتباع فْ الدلالة
بنقايا نشْعل الشعالة
كلما تلحت فيها نزيد صفا
ونضرب خنز الدنيا بْ لَكْفا

نخالة بناتْ حرموهم من الشرف والْديهم
كيفْ بغتيني ماندخلش للنخالة وْنحميهم ؟
أنا الأم اللي تحرموا منها ما حدهم صغار
انقِّيهم من الوسخ و مانتوسخْ ولا نوسخ الدّار

آآآالسي الحكيم خدمتِي مع هذ الشباب زادت فْ عقلي
كبرتني فْ طاعة الله …قوّاتْنِي..كيفاشْ بغتيه يزهقْ لِي ؟ 36_1_3
أنا مراية صافية لكل محروم من الأمومة يشوف فيها
كا نشعل بْ نقايا واخّا طحت ف النخالة وتمرمدت فيها

vol12
اللِّي دارْ راسو فْ النخّالة كانت لالا واللاّ سيدي و مولاي

يخرج صافي..نقي..أحسن من اللّوّلْ وْ الدجاجْ ما يْنقبوشايْ

بْالتجاربْ مع الناسْ ..اللي الفوقْ واللاّ ألتحتْ تزيدْ عقل قوة

نشوفْ..نسمع..نعطي..ناخذ..نخرجْ شويّ عقلي باش يْتهُوّا

كل نهار آآالسي بنعيسى من عملي نقرا وْ نتعلّمْ

نخرّجْ الشباب من النخالة وعلى الدجاج ما نسلّمْ
أنا خالة عمّة وشريفة مرانية..ما تخاف عليّ ولا تخممْ

بنعيسى الحاجي

الصورة الرمزية بنعيسى الحاجي

مشرف الزجل

starstarstar

 

يا الشريفة يا لمرانية

ﯖالوا سيادنا اللولين

 

ما تصحب حتى تجرب … وما تضرب حتى تقرب

 

آآآآآآآآآآآآالله يتبتنا على الشهادة

اللي بغيت نـﯖول ليك

كيف ﯖالوا ناس زمان

 

ولدك على اترابي ربـيه

و ما تطلقيه حتى تقمطيه

لوصية ما تقتل ما تحيي

واللي سمع لكلام بودنيه

مشي بحال اللي عاودوه ليه

 

واللي عندو شي بنية او شي وليد

لابد يخاف عليه

وانت وحدة من بلادي

ها لعار لا تزيدي على قلبي وما فيه

الغربة كية ف القلب

 

واللي ما حاس بها الله يهديه

الغربة واد جاري

واللي زهقت رجلو فيه أداه

 

ديما … ديما

بنتي الهام تبقى الهام

شانك ف كلامك

 

وسماك ف جبينك مقياس

وذيك الغربة

 

شحال ما علات ف السما

 

جدرها يعطيك بالراس

 

وانا نعاونك بالرضى والتيسير

ونرسل لك السلام

:::::

 

إلهام بُصفا

الصورة الرمزية إلهام بُصفا

 

 

الغربة يا السي الحكيم نعمة.. نقمة وحجة و زيارة
تعلم مياتْ حكمة و حكمة من اللّذة.. الوحدة و المرارة
كاين اللي بنا حلقة من الخوا و عاش تايه وسط الكارة
وانا يا السي الحكيم تعلمت..كبرت..شفتْ ونفعتني الزيارة
واليوم ..نتمنى قصايدي تعلم أوْلادنا حيت على بلادي مغيارة
….
..
.

ياك قلت لك أخي محمد المهدي …
إيلا شتيني كا نشوف بالمقلوب 36_1_5
راه الخوخ يداوي واخّا راسو مثقوب

إيلا كان كلامي ماشي خو كلامك

يمكن ف شلاّ
يمكن ف شويه
ياك شحال من خو ما يشبه خوه ؟
و شحال من ولد ما يتبع حرفة بوه ؟

 

 

Une Réponse à “لَـبْـكَـا مـورْ المَـيٌـتْ خْـسارة لأخي محمد المهدي السقال”

  1. ilham ouaaziz dit :

    braaaaaaaavo

Laisser un commentaire

 

cornillonchristophe |
Les Livres de Loïc ! |
UN PEU DE POESIE |
Unblog.fr | Créer un blog | Annuaire | Signaler un abus | Franck Bellucci
| Les maux du coeur
| Mes mots...