• Accueil
  • > طاحت الص(س)معة…علقوا الحجام

طاحت الص(س)معة…علقوا الحجام

 

طاحت الص(س)معة...علقوا الحجام dans 7argou w't7argou vol12

طاحت

الص(س)معة…علقوا الحجام
vol12 dans 7argou w't7argou

 

 الرابط fleche041.gif   

طاحت الص(س)معة .. علقوا الحجام ( 1 2 )

 

ف ظلام النهار

ركد الحق على يدُّو ليسرا

عطس الظلم.. بعدما نفَّح الموجود

هْههْ.. اللي بقى من اليد المثقوبة


المزغوبة

اللي مشات مزروبة


بلاما تشد النوبة

ديك اليد الصافية


اللي جربت المحاين


غمست ف مرقتْ الكرعين


كراع على كراع


جري علي نجري عليك


شد ليَ..نقطع ليك


ولى قرقبتي ناب الْوشْ


ديرها فين اتْجيكْ


ديك اليد الحافية


اللي تفهم ف صهد العافية


اليد اللي تتعاند مع البزولة


عاطفة..وتصرفق أمنا الغولة
vol12
ف ظلام النهار


طاحت رزة بويا


وبان راس لمحاين


بان الحق ف غيس ظلمة الصباح


بان السفرْتحْ بالألوان


طاحت الكلمة


طاح النيف


طاحوا لكتاف


الساس راب


الحق ذاب


تبعاتو الصمعة


على السمعة


احسن عوانها فاش تشد؟


آش قضات بالدموع على الخد؟


زادت خلفة


مع جدي و بويا


تبعت الصح


اللي كانوا يفهموا ف الصح


اللي كانوا هازّين بالكلمة لا تطيح


حارسينها من الخوا و سيدهم الريح
vol12
طاحت الصمعة بحال الصح


تبعت…تبعت هْههْ الصح


هربت من السفرْتح


من غميز لكلام اللي يجرح


من المطْرح


اللي حماضت ريحتو


بكثرة لَهموزْ…


طاحت الصمعة


على كتاف السمعة


كانت الصمعة


مللي كانت السمعة


وحتى ترجع السمعة


عاد…هْهه ترجع الصمعة


شكون قال الصمعة…؟


ماشي أنا…!!


و حتى أنا ماشي أنا…!!


ولا أنا..!!


وانا ماشي من هنا..!!


أنا عايش لهيه..!!


ف بلاد الصمعة اللي ما تطيح


صمعة اللي ساسها صحيح


ما يغلبها رعد ولا ريح


صمعة عام نوضوا تركدوا


أنا كنت من هنا


والليت من تمّ


مازال قلبي هنا


و ذاتي هي اللي تمّ


نتمنى….


توقف السمعة


باش…توقف هْهه الصمعة


ما يتعلق جزار ولا حجام


و يبان النور ف الظلام


boussafa ilham 01/5/2010
vol12

 


اقتباس : المشاركة الأصلية كتبت بواسطة محمد المهدي السقال [ مشاهدة المشاركة ]

هديتي للمرأة المغربية

بعدستي


في انتظار


8 مارس الذي لم يأت بعد !!!!

 

vol12

  

هذا ردّي

….

8

مارس غادي يدوز


بحال الضبابة على العين


بالما و الزغاريت


بالضحكة الصفرة


و اللي من الفوق

 

 

8 مارس غادي يدوز

بالشطيح


وسيدهم ارْديح


بالكلام اللي …يتقادى


ما يطول واخّا تصوم


و ههه تفطر على جرادة


كلام بالفلوس


الحرف مدروس


مللي يتقادى الكلام


شي يعلّق على الأوراق


شي يعلقْ بالفلوس


شي يعلقْ ل برّا


و المسكين يتعلقْ


ف ههه بلاصت الحجام


غادي يدوز موس


فيه يقزّب الريوس
vol12
8 مارس غادي يدوز على المرأة


كيف ما دايز عليها الزمان

15_bmp10

لازم يدوز عليها


يحرث عرقها


باش ياكل غلتها

حتى …تدوز مع الطريق


مسكينة…


سحابة زحمت


توجعت


ولدت

12_bmp10

طاحت


ناضت


مع الوقت…

طاحت … الص(س)معة


وتعلقت من كبدتها

حيت…

ههه


ديما معلقة على الكبدة

 

طاحت شتا


ناضت زرع


و حصد الظلم حليبها


ياك البزولة عاطفة ؟


خليوْها ترضّع


تتبرّع


واخّا تتوجّع


حتى …تودّع

12_bmp10

8 مارس غادي يدوز


رعد


يولّد بسيفو السحابة

وحنا ….هههههههههههههههههههههه

مشات على عينينا ضبابة

كولوا العام زين آ الأولاد


كولوا العام زين


كولوا ها كولوا ها

هاها

 

هههه
ههههههههههههههههههه

8 مارس غادي يدوز
يخلي ليمارا
يشرب الحليب
و يخلي لفرارا

ليغارا ليغارا
ليغارا ليغارا

غادي يدوز…

دموع


و جوووووووع

هأْ…نسيتْ..!!!


ياكما الكلام ممنوع… ؟


الدوزُوا بخير

من هنا دازُوا

شوكة مدكوكة فيه و فيا


عيني تجري بدموع


و نار الشوق تفيض مرارا


ليغارا ليغارا


ليغارا ليغارا

vol12

عدستك أخي محمد المهدي رصاصة في الضمير ….

البارد


الجامد


يا ريت يكون ميّتْ

شكرا لك وتحياتي

  

الرابط هدية ثانية للمراة المغربية 8 مرس

 

………………………………………………………………………………………………………………………………………………

اقتباس : المشاركة الأصلية كتبت بواسطة محمد المهدي السقال [ مشاهدة المشاركة ]

هديتي للمرأة المغربية 8 مارس

حاولت مفاجأتها


لكنها كانت أسرع مني في اتقاء عدستي،


حزنت لرؤيتها وهي تدفن رأسها الملفوف في كيس بلاسكتيكي مثبت بحزام محكم،


بين كفيها كأنها تتحاشى عارا لها فيه نصيب،


كان المطر متقطعا،


اقتربت منها بعد التقاط الصورة،


لعلي أجبر بخاطرها،

ظلت رافضة النظر إلي بإصرار.

…………………………………………………………………..

هذا ردّي

vol12
8 مارس غادي يدوز…

على القلب


على الأخلاق


على القيم


على كل وردة جميلة


عاد قالت باسم الله

اللي مازالة


مامدت يدها الحنة


زهرة غير تنوّر تطفى


شمعة غير تشعل تذوب


غادي يدوز على الأحلام


و يخلي الكابوس ف يد الجثة


كابوس…

بامْ..بامْ

غادي يدوز على البراءة

يخطف لها القلم
و يعطيها الما و الشطابة
حتى لقاع القبر
باش تاكل
توكّل
على الله تتوّكل
حتى…

ههه تتوكّل

غادي يدوز اعْجاج


يخلوض الحنة للبايرة


اللي افنات حياتها


بين الديور و السعاية


يجلي اللعبة للصغيرة

يكبّرها بلا وقت


بين لالاّ و سيدي


غادي يدوز عافية


بحال البرد

8

مارس غادي تطيح الص(س)معة


و يتعلق…ههه اليوم العالمي للمرارة

 


يوم عالمي لل هههههههههههههههه


المَرْأَى(المنظر)

برصاصة

عفوا بعدسة أخي محمد المهدي السقال


له تحياتي
vol12
الرابط…امرأة من ذاكرة 8 مارس

……………………………………………………………………………………………….

اقتباس : المشاركة الأصلية كتبت بواسطة رشيد العيرج [ مشاهدة المشاركة ]

طاحت السمعة علقوا الحجاب

 

شي داروا فالصدر شي داروا فم الباب


نساووا العلم أهملوا طريق الكتاب


أحلامهم تبخرات ولات كلها سراب

شادين فالخاويات نهارهم إيدوز كامل تبركيك وعتاب


تحت السواري عاطيينها لتقرقيب الناب


عم الفساد والحق ف وديان خالية ساب


الظلم بيننا حاضر والحق علينا غاب

عايشين سنين وقرون تحت لكاب


المزيان فينا دايرين بيه شلا دياب


فامهوم مفتوحة كلها انياب


همهم المصلحة مايعرفوا اصحاب .

زجلية تنضاف إلى قاعدة بياناتك المشرقة في هذا الفن الجميل .
 تحيتي المبدعة إلهام .

……………………………………………………..

هذا ردّي

 بين أربع حيوط العقل
اتْكفّن…
لسان حروفي
اتْغسّل…
بدموع المقهور
و صمت المحكور
شدْ كتابي حق الله

على الحق
اللي اتشد
وشدْ…
حق الله
vol12
بين أربع حيوط العقل
اتْكفّن…
لسان حروفي
و تردم ف قبرو
امْتكّي على صبرو
آش بقى ليه ما يقول ؟
بعد ما طاحت…
ا
ل
ص
(س)
م
ع
ة
علّق… (هرب

الحق ف رمشة عين
و علّق…هْههْ
اللي خاصو يتعلّق

vol12
زجليتك أخي رشيد …فتحت بابا من أبواب زجليتي البسيطة

حاولت بطريقة فنية ترجمة ركن من أركانها

إضافة رائعة أعتز بها أخي…شكرا لك

تحياتي و تقديري

………………………………………

vol12
الدمعة… حبلْ


ن


ا


ز


ل

السّاط


الفّاط


بالتصرفيق على لحناك

ن


ا


ز


ل

هاك


بلاك


وشمهم


شرّطهم


اعثر


و طاح ف حفرة …الزين


الزين اللّي ما خطاتو لولا


اشحال من حفرة الزين


طيحت ارْكابي


طيحت لكتاف


و تبعهم الراس


اللي هو قوة الساس

vol12
الدمعة حبل


ن


ا


ز


ل

الرّاق


المّاق


بالضرب… يشرط لحناك


ويعلق لمعلّق


من الكبدة


من خوه


من بلادو


من أصلو

من عُرُوبتُو


من مناخرو اللي طاحو


مللي طاحت الكلمة


و القيمة
طاح الراس… ص(س)معة لكتاف


و تعلّق لمعلّق من الريوس المقهورة


اللي ما حلا لها مشيط


مضروبة من حيط لحيط

 


لمخبعة وسط شعور


تضفر الوقت المحكور


ملثمة وذنيها


تخطف الشوفة بعينيها


تعلّق مول المقص


اللي كان يعرّي على الوذنين


يبين الضو للعينين


يقطع احْدبّه شعر لمحاين


وورّي للعبد لمشرّط لحناك


صورة الراس…عفوا


صورة الص(س)معة ف المرايا

vol12

 

2 Réponses à “طاحت الص(س)معة…علقوا الحجام”

  1. balouch dit :

    tant va la cruche à l’eau à la fin elle se casse

  2. Anonyme dit :

    Avis bien pensé. Je viens de découvrir ce site et vais continuer à le lire !

    https://vacancesiledefrance.wordpress.com

Laisser un commentaire

 

cornillonchristophe |
Les Livres de Loïc ! |
UN PEU DE POESIE |
Unblog.fr | Créer un blog | Annuaire | Signaler un abus | Franck Bellucci
| Les maux du coeur
| Mes mots...