• Accueil
  • > سولت حروفك للزجال بنعيسى الحاجي

سولت حروفك للزجال بنعيسى الحاجي

 

حوار زجلي مع الزجال   الأخ بنعيسى الحاجي

 

هذا الحوار موجود في منتدى مطر 

 

هنا ….سـولـت حـروفـك (موضوع متعدد الصفحات 123 الصفحة الأخيرة

 

حاولت نقل الحوار

بنعيسى الحاجي

الصورة الرمزية بنعيسى الحاجي

مشرف الزجل 

سولت حروفك للزجال بنعيسى الحاجي dans 7argou w't7argou starstar dans 7argou w't7argoustar

المنتدى : الشعر الزاجل

افتراضي سـولـت حـروفـك

 

الى الزجالــة إلهـــام بصفـــا

 

 

سولت حروفك عليك

سولت حروفك عليك … بغيت نعرف شكون تيكرهك … وشكون تيبغيك

شي ﯖـال موالفك وشي ﯖـال غير تيرضيك


حروفك بغاوا الليلة ساعفهم الله يهديك

 

شي ﯖـال معدبانا … وشي ﯖـال مشطحانا … وشي ﯖـال راحتهم فيك

وشي ﯖـال امنا مربيانا ومتهليا فينا … واكلين شاربين ومساريين

 

لكن ف سواق الناس داخلين

حاضيين شكون غادي وشكون جاي

مرة مرة كتحماق وكتجدب وكتحير

 

وشي مرة كتفافا وكتدير راسها شوافة

وكتـﯖول كلام معجون بالمعنى

 

فران الحومة كلو عوافي

يطيب الطروح

لمليح بحقو

ونسيم الصباح ما يدري الدرسة

 

العقبة واقفة ولحدورة زرابة

 

واللي ضرباتو يدو ما يبكي

الزمان تبرى وجوادنا دواوا

ﯖالوا شلا معاني وكلام

 

الأرض كواغط

ولمحارث اقلام

 

لقوافي نابته

 

حاملة نقايم ليام

آشتف هاي تف

لكبير تلف والصغير تلف

 

و إلهام ما بقات تعرف

 

بنادم الغافل من لفطين

 

مرة تبكي مرة تزغرت

 

مرة تقفز الكتفين

مرة تحلم كتحكم

وتـﯖول نتما معايا خدامين

 

وشغلكم برﯖـاﯖـه

او احسن نسميكم بصاصين

الحرف منجل تيحصد تبن وربيع

ويلا جدب وتحير يهيج …ما بقى فيه ما تردع

والحـر بالغمزة

 

اليد وحدها ما تصفق

والصمت حكمة ومنو تفرقت لحكايم

 

كون ما برﯖم ولد لحمامة

ما يجيه لحنش هايم

سال لمجرب لا تسال الطبيب

واللي ضربتو يدو ما يبكي

وحنا علاش هنا علاش

واش ما شفناش او ما حسيناش

ماشفناش اللي عاشر لحروف

حتى والفها فطماتو وما علماتوش

 

ما شفناش اللي غمزاتو لمواج

عانقها وما رحماتوش

 

علاش وعلاش وعلاش

بغينا نكتبوا مالقينا باش

 

  بغينا نرسموا ما لقينا فاش

vol12

 

إلهام بُصفا

الصورة الرمزية إلهام بُصفا

مشرفة الشعر الزاجل

starstarstar

كاتب الموضوع : بنعيسى الحاجي المنتدى : الشعر الزاجل

 


vol12

 

حروفي مالْها تجذب وتلالي؟

خاصها الحرملْ ..البخور و الجّاوِي

الليف سيدهم واللاّ مسرار العيساوِي

طحت فْ حفرة الْيَ .. واجّا ما خرّجْنِي

من غيرْ إلى جذبتْ حروفِي قدّامي وْ تفرّجْنِي

ولى وقفت من الجذبة أيْ أيْ غادي تعرّجْنِي

 

vol12

إلهام بُصفا

الصورة الرمزية إلهام بُصفا

مشرفة الشعر الزاجل

starstarstar

فِيَ دعوَة
vol12
فِيَ دعوَة.. ديما يا ناس مضروبة بالحروفْ
 

يا كما خاصني ندبح دجاجة واللا خروفْ ؟

 

فْ نصاصاتْ اللِّيل إيفَيْقُوني و عليهم نطوفْ

واللِّيت الله يحفْظ ..كل قنتْ فْ داري بورقة و قلْمْ

ياكما مسكونة.. ذكرنا الله ونبِي.. واللاّ كَ نحلمْ ؟

 

ilham 16/03/2009

 

vol12

عتَرْ لساني

 

vol12
عتَرْ لساني و طاحْ فْ الحروفْ

مشى فالهضرة بلاما يْشوفْ

هبط الكلام القديم من الجوفْ

غير خوى المزيوْدة بلا خوفْ

واللاّ خاطرو هانِي و مرْخوفْ

19/12/2008 إلهام
vol12vol12

 

سيد الزجّالين يا بنعيسى الحاجي يا خويا

كلامك زرابي.. خيوطها من الحروف الذهبية

تفرشها وجداني و غطّاتْنِي من الهموم اليومية

الدّاتْنِي عيني على حريرها الصافي و راراتْ بيّ

همدْتْ صداع ذاتي

زادتْ فْ حياتِي

نساتني فْ الآتي

حروفكْ لالا و مولاتِي

خويا بنعيسى الحاجِّي

سيرْ..سير حتى تْجِي36_1_21

vol12

بنعيسى الحاجي

الصورة الرمزية بنعيسى الحاجي

مشرف الزجل

starstarstar

 

 

الله يكون لك ف العون

يا مولات الحرف المسكون

فقيهنا فقيه قاري ونبيه

 

يقرا ويسرع السواكن اللي فيه

 

ويلا ما بغى ساكن ذاتو يخرج

 


نجيبوا لبخور

 

حصلبان والحرمل ، الجاوي والقطران

وشي طريف من لحدج

وبلا جداه يسلم يخرج

 

كان مسرح او كيعرج

ايوا اعطي لفتوح للفقيه

 

وﯖولي السلامة

 

 

 

 ….

خممت مزيان ف لحروف

 

ﯖال لي مجاجي

ما تخمم ما اتعجب

 

لحروف ماهي ملاغا ماهي هتوف

وما كتحير ما كتجدب

 

لحروف دموع

 

ايلا ما بكات العين ما تحوف

 

قاسية ف مضاها
 

كتجرح

 

شلطتها امضى من اسيوف

vol12

إلهام بُصفا

الصورة الرمزية إلهام بُصفا

مشرفة الشعر الزاجل

starstarstar

السلامة …السلامة

 

يا الفقيه واش عندك دوايا ؟

 

جيتك بحروفي تتحيرْ فْ هوايا

عطيني حرز واللاّ سبوبْ

من حروفي ما لقيت هروبْ

السلامة..السلامة

 

vol12
دابا عاد يْهْنا بالي وْ نرتاح يا بنعيسى

أنت أحسن فقيه مانحتاج نزور الهادي بنعيسى 36_1_1

لقيتي لحروفي دواهم

دخلتي ..تعمّقتي ف جواهم

وْفهمتي الزمان اللي كواهُمْ
vol12

كلامك من عود لْقماري

تسلل وعطا ريحتُو فْ داري

نسّاني فْ عطور نوّارِي

ياريت كون كنتِ جارِي

نشركوا الطعام

نقشُوا الكلام

vol12

بنعيسى الحاجي

الصورة الرمزية بنعيسى الحاجي

مشرف الزجل

starstarstar

هانتي مشيتي وجيتي

 

وبلا شك ضربتيها بشي نعسة

 

وشخرتي

خرحتي من ذاتك وارتحتي

 

بلا شك لفقيه يدو مزيانة

هزلك الخط

 

وضرب لخماسي ف اسداسي

وعيط ع لسلاف

 

ويلا ما بانش لك البرهام

نشوف لأختي الهام شي شواف

ايوا … باسم الله

 

آري ذيك الخمسة

 

ﯖلسي لأرض وتواطاي

وديري النية

راه اللي ماعندو نية

 

ما عندو قسمية

 

شوفي يابنيتي

بانوا لي فيك زوج علامات

 

وحدة بين عينيك

وحدة بين خطاويك

 

اللي بين عينيك نشوفها ليك

 

واللي بين خطاويك قدر الله

خصك الدبيحة لكبيرة

 

وتـﯖولي ليا الصراحة

وتعاودي لي السريرة

 

ويلا جاب الله التيسير

واتقضى غراضك

واش تنساي عمك الشواف

 

ايوا ديري النية

 

وﯖولي السلامة

vol12

 

إلهام بُصفا

الصورة الرمزية إلهام بُصفا

مشرفة الشعر الزاجل

starstarstar

 

vol12
بانتْ فِيّ لِيمارا

بلا سيفْ السنّارة

بانُوا خدودْ لْمرارا

طاحو سوالف النُّوّارة

دارنِي الزمان فْ كارة

أو لاحني في غارة

بانتْ فِيّ لِيمارا

بعيد..بعيدْ عل الحارة

همِّي واللاّ حارس بالصفّارة

فْ نهار مشمس نفرُوا النّفّارة

طرتْ من بلاصتِي بحال الطيّارة

بانتْ آآآآ الحكيم

يا الصيّادْ المْهارا

خشبتِي ما ينفع معاها نجارا

تسوْساتْ بعد ما كانتْ مسرارة

بانتْ…بانتْ…أو بانتْ ليمارا

بلاما تشوف فْ يْدِّي المطْيارة

أنا حلِيبِي رابْ بان من الفْرارا

اكتب لي حجابْ بْدموعْ مغيارة

حاضية جنابْها لا تْطيحْ فْ الحكّارة

بانتْ أو مازالا ليمارا

ليغارا…ليغارا…ليغارا

عيني تجري بْ دموع أو نارْ الشوق تفيظْ مرارا 36_1_21

ليغارا…ليغارا…ليغارا
vol12

 

 

بنعيسى الحاجي

الصورة الرمزية بنعيسى الحاجي

مشرف الزجل

starstarstar

لهلا يحوجك

يا بنت القاع والباع

والشمعة من دراع

يابنت خيار الناس

يابنت الشرفة رجال مكناس

انت بيك صباحنا ومسانا

 

بيك ليلنا ونهارنا

انت مع حروفك تنشط الـﯖانة

 

 

وكلامك مقبول

ومعانيه ثامرة و مزيانة

واحد النهار وانا غادي وحدي

 

مالقيت حد اللي نكلمو أو يكلمني

 

شفت مع راسي وراسي شاف معايا

ونا نسول قلبي … ﯖـلت ليه

بالله عليك يا قلبي

من حياتك ليا ما حكيتي

 

واش ما سبق لك في العشرة

رافقتي لصحاب

 

جاوبني يا قلبي

شحال هذي معايا ما تكلمتي

منعم ف لوحدة لابد هناك سباب

شوية وهو يجاوبني وﯖـال

قلبك يا شخصي معاشر عـقلك

ما هو وحداني

 

وعاشر في حياتو كثير نسا ورجال

 

لعقل تيآمر وقلبك جرب

صغير وفقاني

 

من عرفك في لهنا والخير

 

يحبك في لحال

 

ومن عرفك محتاج ينفيك

يقطع كلامك بلعاني

النفاق طغى على لقلوب

اجتنابو موحال

 

وزاد انتشر اصبح موضى

 

جاهلو تحتاني

النجوم قلال ضوها

وظلام الليل طوال

 

يا شخصي واش نلبس ثوب

لونو ما وثاني

:::::

تحيتي للفنانة إلهام

 

vol12

إلهام بُصفا

الصورة الرمزية إلهام بُصفا

مشرفة الشعر الزاجل

starstarstar

ثوبِي و ثوبك يا بنعيسى من الحرير الرفيع

ما يْطِيحْ فْ الخاوِي ولا يتعرض للبيعْ

شادِّين فْ صباغتنا اللِّي لونها فصل الربيع

vol12

 

 

 

بنعيسى الحاجي

الصورة الرمزية بنعيسى الحاجي

مشرف الزجل

starstarstar

 

ثوبنا ثوب العفة

 

وكلامنا ذهب ما تعبرو كفة

شان وهمة

ومعانيه كتراري بالوفا

 

وسمانا صافي صقيل

 

كيف بغيناه

ما يتغيم ما يتخفا

وبغيت نجدد معك لحديث

 

و شحال هذي ما عاودت ولا حاجيت

هاكي حجاية واري حجاية

 

نتساواوا ونقادوا المايا
ـ ـ ـ ـ ـ ـ

حاجيتك على طيرنا لغاط ولغطتو حنينة

ساكن بين الجرف ولمدينة

:::

تحيتي لك

vol12

 

إلهام بُصفا

الصورة الرمزية إلهام بُصفا

مشرفة الشعر الزاجل

starstarstar

حاجيتك أو ماجِيتكْ

أو بحروف إلهام جيتك

على اللِّي شانو عالي

عرفاتُو إلهام هلالي

مايْحط النقطة عل الحرف حتى يْحسبُو

و ما يْبِيعْ ذهبْ وحرير تا يْكسبُو

الحرف إيخافْ منُّو وِيْعطيه راسو

غير إيشوفُو يْعّمّرْ الكناشْ من كاسُو
rose

واشْ عطيتِي حمارْكْ واللاّ باقي؟

مللِّي تعطي حمارك

عاد نطفي لك جمارك

 

الجواب هو الحكيم بنعيسى الحاجي 36_1_1

vol12

 

بنعيسى الحاجي

الصورة الرمزية بنعيسى الحاجي

مشرف الزجل

starstarstar

 

عقلي وعقلك علاش اتواو

 

وسافروا بجوج واتسواو

 

وشربوا من كاس الخاوى

ومشــــــــــــــاوا

والقلب لكبير ايلا كان هو المقصود

ما يكب غير في كاسك وكاسي

ويلا جا حماري عند حمارك

باش ترديـــــــــــــه ؟؟؟

vol12

إلهام بُصفا

الصورة الرمزية إلهام بُصفا

مشرفة الشعر الزاجل

starstarstar

 

 

 

 

 

 

 

 

عقلي و عقلك.. تجمعوا و شركوا الطعام
 

كليت من حروفك طواجن من أحسن كلام

 

ذوّقتْك من طعام كلامي المفتول على يدِّي
 

مشيتْ للأيّام كنت على خدود ترابِي الوردِي
 

شربنا أتاي حروفو و ماه من النعناع المكناسي
 

كاس واشْ من كاس ..حيّدْ لِي الشقيقة اللي فْ راسي 

أنا حماري عطيتُو هذي شحال مابغيت نثّقّل بْ ذنوبُو
 

مانقول الرّا مان قول الشّا.. مانْبكي لمرضو أوْ هروبُو

 

مانْلوح عليه بردْعه مسكينْ واللاّ ندِيرْ لو الشكِيمة
 

مصّابْ نْتْكافى مع الزمان ..اللِّي نخمم ليه آلف تخميمة

وِلى جا حمارك لعند حماري نخاوِيهم ونبني لهم خيمة 36_1_1

vol12

 

الصورة الرمزية بنعيسى الحاجي

مشرف الزجل

starstarstar

ــ اللهم اجعل لنا مخرجا وارزقنا من حيث لا نحتسب …

 

آميـــــــــــــن
:::::


وعندي ليك واحد الحجاية :

حاجيتك على من يتكنى بالسين والسين ماهي لا سلسلة ولا سكين

 

ولا هي من حروف البناية …

 

غير فكيها اولا مانعودش نقدم لك شي حجاية

vol12

 

الصورة الرمزية إلهام بُصفا

مشرفة الشعر الزاجل

starstarstar

اللِّي بانْ لِي يا السِّي بنعيسى الحكيم

 

السِّين سلامة ..أ السلامة والتسليم

 

السين إلى ما كانت سكِّين

 

يساعد بسهولة واللا يقتل فْ الحين

 

مايكون غير ساروتْ يحل البِيبان

 

اللِّي كسبُو يفتح ليه السعد وْ الطرقان

 

ولى ما كانشْ الساروتْ العظيمْ

آشْ يكونْ آ السي بنعيسى الحكيم ؟

 

حماري عطيتُو 36_1_15 وْبقيتْ الله كريم

 

الصورة الرمزية بنعيسى الحاجي

مشرف الزجل

starstarstar

vol12

 

الله على نهار شحال جميل

 

وتابعو الليل

 

ما تقدك فيه لا شمعة ولا قنديل

وانت سهـرانة

 

كتفكري في حل الحجاية

 

طول الليل

 

يا سلام جبت لك التمام

 

طيحت حمارك وبقيتي

 

الله كريم

 

هذي هي لفـراجة

 

والنشاط بعينيه

 

غادي نسولك ونحكم عليك

وباش ما آمرتك تنفذيه

 

1ــ السؤال الأول :

 

ــ شحال كاين من سنيما في مكناس ؟

 

ــ اذكري أسماء الأبواب التاريخة بمدينة مكناس ؟

ــ فيماذا يستغل ماء سهريج السواني بمكناس ؟

 

:::::

 

وهذا راه غير الحكم الأول

 

وبشهادة جميع الناس
حض سعيد rose

vol12

 

الصورة الرمزية عبد الغني الراقي

مشرف الشعر الزاجل

starstarstarstar

العزيزان

 

الزجال المتمكن بنعيسى الحاجي

 والملهَمة إلهام بصفا

 

احتفلتما بالحرف واحتفى بكما

 

–                                                                            

                                                                                                                                                                مرونة وسلاسة
-
متناغمان مثل حلقات السلسلة

شاطران ، كسّّرتُما شطارة السكين

أبحرتما على متن الحرف
والحرف سفينة
—-
تمنيت لو أكون مبحرا معكما


لكني لا أمتلك إلا أحرف البنائين

هنيئا لكما

تحياتي الصادقة

vol12

الصورة الرمزية إلهام بُصفا

مشرفة الشعر الزاجل

starstarstar

مرحبا و ميات مرحبا عبد الغني الراقي ولد الحرف الراقي


مرحبا و ميات مرحبا بصاحب الحرف المثين الباقي


مَ طلبْتِي غير الموجود 36_1_1 متّعنا أو خلِّي الحرف إيقاقِي


الحرف لْ بنعيسى..لْ عبد الغني..لْ إدريسْ أُو كل ذُوّاقِي
م شفتِيشْ آشْ دار فيّ الحكيم..حكمْ عليَ أو والليت فْ الزناقي 36_1_19


مرحبا و ميات مرحبا بْ عبد الغني الراقي ولد الحرف الراقي rose

 

 

مشرف الشعر الزاجل

starstarstarstar

الدايم الله وْ لا غيرو باقـــــــــــــي


و الراقي ما عندو حرف يقاقــــي


لحروف وإلهام ، كيسان و ساقـــي


و حروف بنعيسى ماية وعشّاقي


والنغمة ناغمة ولكلام ملاقــــــي



الملهمة إلهام

أصيلة بترحيبك


ودمت الإسم على المسمى


تحياتي العطرة

 


vol12

 

الصورة الرمزية إلهام بُصفا

مشرفة الشعر الزاجل

starstarstar

الدّايم الله ..و بيه نعمّر قلبي وْ اوراقِي

نتمنّى يْغفر لي اللي فاتْ وْ اللِّي باقِي

نحمدو واخّا ياخذ عِيني و طرف من ساقي

الدنيا لاعبة بينا و دايرانا وسط الْحْلاقِي

كاين اللي راقي بحال السي عبد الغني الراقي 36_1_1

كاين اللي إيدَوّزْ أخلاقو بْ شلا حريرة وْ مراقي

كاين اللي فْ التبركيكْ، النميمة وْ اسْلوكا يْلاقِي

نساوْا باللي اليوم دنيا أو غدّا الله اللي باقي

حطْ الفتوح..شي حرف من الحروف

دير النية وْ لوح زربة الوقت و الظروفْ

خرّجْ الضمة و الكسرة اللي فْ الجوفْ

الدّايم الله و بيه نعمّر قلبي وْ اوراقِي

نتمنّى يْغفر لنا اللي فاتْ وْ اللِّي باقِي

نمشي نطرّقْ مسمار 36_1_40 من بعد نكمّلكْ تّ ما باقي

vol12

الصورة الرمزية عبد الغني الراقي

مشرف الشعر الزاجل

starstarstarstar

مالك يا لاّلاّ خرّجتيني من زحام اسْواقي

 

و مانا قادر عليك ،… خلّيني بين اوْراقي
-
درت النية و ماقضات ليا وتهرّسْتْ شْقوف

 

و جْمْعْت شْقوفي و سفّيتها و تجوّفات ف الجّوف
-
أما الضمة ضماتني وزيّرات اطواقي

 

و جات الكسرة وكمّلات ليا اللي باقي

 

و لمسامر طرّقوني وانا في عز فياقي

 

عار الله خليني ف عقلي ولا تفيقيش حماقي

 

و خلي حروفي ناعسة مدفونة ف اعماقي

وطلبي ليا لعفو ف اللي فات والستر ف اللي باقي

 

vol12

الصورة الرمزية إلهام بُصفا

مشرفة الشعر الزاجل

starstarstar

خرّجْ المدفون ما تخليكْ ميتْ فيكْ

 

نفسْ عقلك..هوِّي خاطركْ الله يخلِّيكْ

 

خرّجْ همومك ف كمشة من الكلام

 

يرتاح وجدانك أو بحروفك كسر الغيام

 

يطلع نهارك مشمس وِ شتت الظلام

 

الكلام الدخلاني واعر للذاتْ

 

عبّر…احْكِي أو قلّبْ عل الذاتْ

 

هي الطريق ..عبر بلغة السكات

 

vol12

 

 

الصورة الرمزية عبد الغني الراقي

مشرف الشعر الزاجل

starstarstarstar

المدفون حي وميت بايت مع النجمة وفايق قبل الديك

 

و لعقل منفس بسموم حارقة وخارقة وما ف الحالة ما نوريك
-

 

إيلى خْرّجْت من همومي كمشة ، الكمشة تْخْمر وتولي عرّام

 

وما عندي جهد نكسّر الغيمة والكسرة كسرات ليا لعظام
-
وما حد نهار الله طالع و نهاري اللي مظلام

 

رجايا ف الله ما قطعتو وما زال قدامي ليام

 

-
كلامي الدخلاني وْجْعات وصدمات

 

سيرة من الذات وانا ذاتي بالذات

 

وانا وذاتي لاهْيِين ف اللّذات

 

ولكلام كثير والشكوى لخالق الذات

 

و اللي مجروح ما يبوح و ما يطلّق السّكات
***
نبدلو كلامنا بصلاة النبي ولهلا يورينا ويوريك باس

 

سعيد بك و بمحاورتك اللطيفة

 

ولك أزكى التحيات

 

ولا أستثني العزيز السي بنعيسى

 

لأني أنا هنا بساحة بيته وأستسمح

vol12

الصورة الرمزية بنعيسى الحاجي

مشرف الزجل

starstarstar

 

الزجال عبد الغني الراقي
السلام عليكم


أولا أشكرك على امتثالك وتتبعك الفني لمراحل السفينة الزجلية التي امتطيتها بمعية الشريفة لمرانية الزجالة

 

الهام بصفا ، حيث امتلكني حرفها المدرك لمهنية تسلق الجبال والتجسس الفني على نبرات أصوات تتردد

 

بأغوار كهوف الذات ، تفرزها تحللها تدرك مقاصدها وتعمل على معالجة سبلها ، وزف بي في جزيرة الحروف

 

الذهبية حيث أكون أولا أكون …

كما أشكرك أخي على صدق كلماتك المشجعة ، وللسفينة الزجلية فضاء يتسع حقله للإبداع والتواصل

فمرحبا برغبة عشاق الكلمة ومحبي الحرف و قوتنا تكمن في وحدتنا الفنية ، ليدوم ركن الزجل ويزدهر

اعلم أخي الكريم ان الجواب عن الحجاية جاء ضمن كلمات تدخلك و أضن انك حررت الفنانة الهام

 

وكان الجواب هو « السفينة » ، لكن لا بأس أن ترد الهام عن الأسئلة التي طرحتها في الحكم عليها ، والكلمة

 

لإلهام بصفا


تحيتي الفنية

vol12

الصورة الرمزية عبد الفتاح المسودي

59

starstarstarstar

 

الأخ بنعيسى

الأخت الهام

لقيت راسي

 

داخل لجدبا

مافيها اغدر

 

مافيها خصام

نقول باسم الله

 

شامخ لقدر

ونزيد لقدام

 

لأهل مكناس عندي ماية

منقوشة في قلبي وشام

 

أش غادي نقول قدامكم

 

كلامكم جابي لي تمام

 

الأخ بنعيسى

الأخت الهام …………

 

دام تفاعلكما الايجابي ……….شعرا

تحياتي الصادقة

 

vol12

الصورة الرمزية بنعيسى الحاجي

مشرف الزجل

starstarstar

الأخ عبد الفتاح المسودي

 

شكرا لكلمتك الطيبة التي أهبتها لأهل مكناس
ولانطباعك الجميل وغرامك المنقوش بالقلب
وان إدراكك الفني جدير بالاهتمام والتقدير

 

مرورك أسعدني كثيرا


تحيتي الخالصة

vol12

الصورة الرمزية إلهام بُصفا

مشرفة الشعر الزاجل

starstarstar

مرحبا بْ الأخ عبد الفتاح المسوديrose

 

ادخلْ مرحبا.. ماتْبْقاشْ فْ البابْ تشوفْ

 

ادخل ..و ندبح على خويا أحسن خروف

 

نوّجّدْ لْكْ طواجن..بولفافْ و السفُوفْ

 

نشركوا الطعام وْنتجمعوا على نغمة الحروف


ادخل بْ رجلك لِيمْنا 36_1_23 و خوِي جيابْ الجوفْ
و ماعْلِييّا غير نغنِّي وْ نقول ..أوفْ يابا أوووفْ 36_1_1

 

vol12

الصورة الرمزية زايد التجاني

3

starstarstar

استمتعت بهذه المطارحة الزجلية

 

أدام الله الود والصفاء

الاخذ والعطاء

تحياتي

 

vol12

الصورة الرمزية بنعيسى الحاجي

مشرف الزجل

starstarstar

شكرا لك اخي الزجال زايد التجاني

مرورك البهي أسعدني كثيرا

دام لك حب الكلمة

 

مودتي

 

vol12

الصورة الرمزية إلهام بُصفا

مشرفة الشعر الزاجل

starstarstar

زلّكْتْ حروفي الشعبية فْ خيطْ المدادْ

 

حطيتهم تاج لْ بنعيسى و دورتو بْ الْمخادْ

 

هوعريس الحروف…هزّوه فْ الميدة يا الْأولاد

 

أنا حروفي خيمة وْ حروف بنعيسى أوتاد 36_1_1

 

نسيت أن أشكرك أخي زايد التيجاني

 

لك كل التقديرrose

 vol12

 

 

الصورة الرمزية بنعيسى الحاجي

مشرف الزجل

starstarstar

 

vol12

 

 

 

 

يا لسي عبد الفتــاح

يا للي عندك لأهل مكناس ماية

 

منقوشة ف قلبك وشام

مرحبا بالتحية والسلام

 

كلامنا رباعي ومذكـر

 

صايـل جايـل

 

و سـط الجدبة يتحيـر

كلامنا منصوب بسبع خضار

 

كلامنا عشاقوا كثـار

 

شان وهمة وليه

 

هبة ووقـار

سلم يا خويا واطلب ما تختار

 

وزيد خطوة للـﯕدام

 

ما تخمم ف وشام لقـدار

 

واركب بالكلمة سفينة لـيــام

لمحلى ديما مضروبة

 

ولخيام بكنايفها مبنية

 

ولكلام معانيه منصوبة

 

والخيل سربتها محضية

يا لداخل لسوق المعنى

 

دور ف جنابك وشمر لكمام

راه الحرفة بلية وحايكها منسوج

 

بالطعمة والخيط ولخلاله

 

ف لمناول العضاضات

 

مجبدين المنسج بالتمام

 

والسدى مغزول صنعة

 

ما عايرينوا ما خادمينوا عـوام

والحلقة يا سيدي كلها فراجة

 

ينصبها غير لحلايقي بمجاجو

وباب الدار ما يروم غير لرتاجـو

واللي لبس من غير قياسو

 

عمرو ما يتفاجا

باب الصبر ما عليه زحام

 

وباش تحلو بلا ما تزرب

 

سوارتو بين يدين

 

الـهــــــــــــــــــــــــــــــــام

 

وانت غير ساعف ليــام

راه اللي غلبو صهد الحرف بزمنو يهرب

تحيتي الخالصة

vol12

الصورة الرمزية إلهام بُصفا

مشرفة الشعر الزاجل

starstarstar

السوارت عندك آ بنعيسى فْ اللسان

تحل بهم لْخاطر وتفتح قلب الإنسان

 

السوارت عندك بهم تحل الوجدان

و بهم تسد بالسلاسل عل الهم و الْأحزانْ

السوارت هما حروفك وكلامك بيبان 36_1_1
vol12

الصورة الرمزية بنعيسى الحاجي

مشرف الزجل

starstarstar

حروفك دواوا معايا ﯕالوا لي كلمة

فيها سر فيها معنى

 

خممت حتى شاط تخمامي

و لقيت ريحها تيصوط تيغني شلا عيوط

 

ﯕلت لهم آش بكم يا ولاد الهام

ﯕالوا لي يا لحكيم

 

بغينا نسافروا بغينا نتباراوا

 

بغينا نشمتوا ونتشمتوا

بغينا مع ﯕراننا نتاواوا

 

وكل واحد فينا يعمر دارو

ويدير في عنقو

 

شي بنت الناس

تعيش معاه بلقياس

 

وحياتنا تكسب صفحة جديدة

نكتبوا قصتنا بيدينا

ونمشيوا ف طريقنا برجلينا

 

عيشتنا بالصورة مكسية

 

ومعانيها بين السطور مخفية

واللي عشقها يتمعن

في زواق قبتها المبنية

 

وحنا هما حانا

 

نرعاوا ف لبر

ونغطسوا ف لبحر

 

وتبقى الهام ديما لنا

 

شحال ما حومنا ف السما

 

نلقاوا لامتنا محضية

vol12

الصورة الرمزية عبد الفتاح المسودي

59

starstarstarstar

 

بنعيسى حروفو معنى

 

و الهام حروفها كلام

 

أنا جيت لجدبتكم

يا أهل مكناس

 

ببوح غرامي بمدينتكم

حسبوه سلام

- واش المغروم كيلموه الناس –

يا أهل لكلام

 

غرامي لمكناس ماية

 

راك شاهد أخويا بنعيسى

 

و أختي الهام

 

مدن عديدة قضيت فيها أياما جميلة ………..و في كل مدينة عندي – ماية – و في كل مرة أجد من قاسمني

المكان أشكره …………..

لأن من لم يشكر الناس لن يشكر الله طبعا

تحياتي الصادقة لأهل مكناس

vol12

الصورة الرمزية إلهام بُصفا

مشرفة الشعر الزاجل

starstarstar

وانت حروفك معنى وكلام

ليك نبلّغْ آلف تحية وسلام

أنت حبيبنا و خونا يا عبد الفتاح

مع حروفك نقصْروا حتى للصباح

مزرْزْرا جوهرْ أو مافيهاشْ المزاح

واخّا ماشي مكناسية على لسانها نرتاح 36_1_21

vol12

حروف إلهام طلعوا فْ العقبة

 

شافوا الشمس

 

تمعنوا ف الكمرة

 

شموا الهوا

 

و باسوا راس العقبة

 

و اليوم راهم زالقين

 

و زلقة الحدورة قوية

 

يْتكركبُوا

 

يْدّرْدْبُوا

 

وْ قتاشْ إحبسُوا

 

العالم مولانا

 

حروفك يا الحكيم رزينة

 

واخّا زالقة فْ الحدورة

 

ثابتة وْ مبشورة

 

ما الدّرْدبْ
ما تكركبْ

 

حروفي بزّافْ عليها

 

تْبارا مع حروفك

 

ما خصها

 

أو واتاها

 

شدْ…شدْ..أيْ…أيْ

راها زالقة
شدْ…شدْ..أيْ…أيْ

 

واشْ بقَى ما تشدْ

 

و الحمد و الشكر

 

شادّا فْ الله

 

وْ رضى الوالدين

 

شادّا فْ صباغتها

 

شادّا طريق وحدة

 

واخّا زالقة فْ الحدورة

 

vol12

الصورة الرمزية بنعيسى الحاجي

مشرف الزجل

starstarstar

إلى الأخت الزجالة

الفاضلة
الهـــــــــــــــــــــام بصفـــــــــــــــــا

 

 

:::

 

حروفك يا الهام

ف عينيا

هما ركايز لخيام

 

حروفك نغمة

 

حروفك بسمة

على شفايف لفام

 

حروفك قوة حروفك جهد

مشمرة على لكمام

ومعانقة العقبة وناسية لحدورة

 

ما زالقة ما مكركبة

مثبته ورزينه

 

وشادّا طريقها نيشان

حروفك ورد بريحتو مزين لمقام

 

و ليك يا لشريفة

نهدي التحية والسلام

 

:::

 

تحيتي الخالصة

 

 

 

 

vol12

الصورة الرمزية إلهام بُصفا

مشرفة الشعر الزاجل

starstarstar

ما خلِّيتي لي ما نقول

 


يا الحكيم .. زين القول

 


حتى لا دويتْ

 


بأحسن حروف

 


ما نوصل لْقدام كلامك المفتُول

 


وترابهم المغزولْ

 


اللِّي فكّروني فْ زمان الغول

 


زمان الحشمة

 


زمان المعقول

 


و نسّاوْني فْ العصر المجهول

 


حتى لا دويتْ

 


نقول وْ نزيد نقول

 


تبارك الله

 


وخمسة وْ خموسْ

 


من باريسْ لحديقة الحْبولْ
vol12

الصورة الرمزية بنعيسى الحاجي

مشرف الزجل

starstarstar

المشاركة للجميع

في هذا النص الزجلي


:::


قصتنا قصة وحكايتنا حكاية

واللي قراها يستغرب

الهام وعبد الفتاح

 

جاوا عندي ضياف

 

عجبهم الحال

وسكنوا معايا


وانا عولتي على قد الحال

وبالكلمة شاد المايا


يااهل الخير يااهل لكرايم

يا اهل الجود ولكلام الدايم


وجودكم معايا ظل

على راسي عمامة

 

وعشرتكم ليا همة

ف طريق حياتي سلامة

 

يا اهل الجود

طالب منكم تقبلوا

ع لموجود


وانا جوابي على نابي


نـﯕول لكم مرحبا يا صحابي


يتبع


 

3 Réponses à “سولت حروفك للزجال بنعيسى الحاجي”

  1. abdou dit :

    had chi wa3r. 3takom ALLAH sa7a.

  2. meryem dit :

    tbarklah 3likom, cé trés fort

  3. Anonyme dit :

    جميل ما كتب من طرف الشاعر الزجال بنعيسى والشاعرةالزجالةالهـام وقد تميزا فعلا في نسج هذه الأشكال الرائعة
    تحية وتقدير

Laisser un commentaire

 

cornillonchristophe |
Les Livres de Loïc ! |
UN PEU DE POESIE |
Unblog.fr | Créer un blog | Annuaire | Signaler un abus | Franck Bellucci
| Les maux du coeur
| Mes mots...