mes mots tout court

Posté par ilham charifa boussafa le 11 mai 2016

mes mots tout court dans mes mots tout court

حكم  إلهام بُصفا جديدة

….

الشمس كاتداوي و تمرّض و الما كايعيّش و يقتل

الحرّيكة كاتشوي و تفيدك إيلا عرفتي تجنيها بلمهل

تقدر تكثّر من الحاجة المرّة و يّاك اتكثّر من لعسل

الدنيا ميزان حلاوة و مرار… ماعليك غير توزن بلَعقل


ilham boussafa

12/12/2013

صباحكم بسمة المّيمة ترجّع لكم الشمس اللّي غبرات

تطيّح الزرزور من فوق الصور… إيلا بانت و شرقات

ترد الروح ف سماكم… يتفتّح الورد و ترجع فيه الحياة

صباحكم المّيمة حنينة…تزرع الأمل و تحيي الذات

بحنانها… بقلبها لَكبير …اللّي بحبُّو يعبّر بكل اللغات


ilham boussafa
12/12/2015

..

..

هذا زمان الشمس الباهتة اللّي ما بقاتش تشرق

اعيات ما تبعث الأمل ف السفينة اللّي ابدات تغرق

شمس غسلت يدّيها… دفعت السوارت و مشات

ما بغى حد يشوف حنّا يدّيها…غبرت و اطفات

رجعت لذاك الزمان…اللّي كانت تاج ف سمانا

كانت غير تحل عينيها..يهرب الخبث من هوانا

يا شميسة…يا شميسة رجعي رجعي را حنا فقدناك

يا شميسة…يا شميسة طلّي طلي را حنا توحشناك

شرقي…شرقي و اقضي عل الغضب من سماك

ilham boussafa
9/12/2015

..

..

..

من يوم غابت شمسي…كحّلت بلعمى

بلا بيها نهاري وحل ف غيس الظلمة

تشهّيت نشوفها و نعنّقها و لو ف حلمة

نقولها كانبغيك يا مّي… يا ماما و مّا

نهار مشيتي رحلت شمسي من السما

حروفي ذبلت و رجعت عميا و بكما »ء »


ilham boussafa
12/12/2015

نزلت دمعة من عيني…و قلت لها رجعي يا لالّة مين جيتي

قالت…عييت بحبس الحزن… بغيتك تسمعي لسكات حديثي

نزلت نجذب و نتحيّر حفيانة…يمكن نبرّد النار اللّي طفيتي

قلت لها يادمعة بقاي ف عيني تطلّي على خدودي اللّي رويتي

رجعي لسما عيني… خفتها ترجع ناشفة بلا حياة إيلا مشيتي


ilham boussafa
12/12/2015

Publié dans mes mots tout court | Pas de Commentaire »

12345...9
 

cornillonchristophe |
Les Livres de Loïc ! |
UN PEU DE POESIE |
Unblog.fr | Créer un blog | Annuaire | Signaler un abus | Franck Bellucci
| Les maux du coeur
| Mes mots...