• Accueil
  • > هموم المرأة المغربية

هموم المرأة المغربية

****

 

vol12.gifvol12.gif

 

حروف إلهام

vol12.gif

 

 

sterni w ster 3ibi

****

سترني و ستر عيبي

 

****

 

 

 

قال بنادم

هههههههه

رَدْنِي بنادم

دار فِيّ الخير

 سترني

و سترْ عِيبي

هزْ راس البّا

اخذاني

الدّاني

ضرب بيَّ الكاغطْ

الكحل ف الأبيض

خَرّجْنِي من الفَّامْ

قال بنادم

هههههههه

رَدْنِي بنادم

أنا غِير مْرا

و هو راجل

بمعنى الكلمة

عندي الزهر

و السعد

اللِّي تستَرْتْ

و تستَرْ عِيبِي

الدّانِي و الدّاني

والله إيما خَلاّنِي

نرتاحْ

نتسنّط لْعظامي

نزور الوالدِين

 

باش ما يعمروا لِي راسي

أنا خاوِية

 

خاص راسي يبقى خاوي

حيت مرا

هههههههه

رجعتْ بنادم

الدِّيتُو و الدِّيتُو

والله إيما خلِّيتُو

يتعذب

يتوسّخ

إيجوعْ

إيديرْ يدّو ف الما

حيت راجل

سيدي

مولايْ

الدّاني و الدّاني

والله  إيما خلاّني

نحقق أحلامي

 نعبّر

نقرّر

نهضرْ

نقول رأيي

 

الدِّيتُو و الدِّيتو

باش انْطيّب

 انْصبّن

نقول نعم

واخّا

مايكُون غيرْ خاطرك

والله أيْ أيْ مانْعاودْ

هذي وْالتوبة

الديتُو وْ الدِّيتُو

نسْترو

نسترْ  عيبُو

النّقِّي دارو

وْ و نزيّنها

انْصبّنْ حوايْجُو

نطْفي جُوعُو

انْربِّي اوْلادُو

 

نهزْ راسو

انْردّو عظيم

أو نبقى وْراه

حيت مرا

لالا

و مولاتي

  اتحطْها عل الدّبرا تبرا

حيت مرا

هههههههه

أم بْنادم

****

ilham 06/09/2008

vol12.gifvol12.gif

 

 

387273494.jpg

عشيرة الزمان

بْ كْحُلْ حارْ

لَثَمْتْ عِينِي

زَيَّنْتْها

وَسَّعْتْها

كَحَلْتْها

بْحالْ أيَّامِي

أو غَطِّيتْ نْفاخْها

درَّقْتْ بْكاها

وْمْحِيتْ حُزْنْها

7bc3e9fec6a2f330c1b7c0ee2d098f72.jpg

اللِّي بْقَى من شْفارِي

renovermascara22529551359.jpg

صْبَغْتُو

طَوَّلْتُو

الشْفارْ المنتُوفة

المخطُوفة

غِيرْ بْ ريشة

حَطِّيت حايْكْ على شْفارِي

…المنجُورة

المَقْهورة

غِيرْ بالزواقْ

زيانْتْ عِينِي

mascaraeyelidpicture.jpg

غْدَرْتْ الناسْ

بحال الزمانْ

زوَّقْتْ

بحال الزمان

بْ سواكْ العصرْ

حمَّرْتْ شْوارْبِي

maquillagepeauxmixtes25099141359.jpg

باشْ نْحَمَّرْ وَجْهِي

أو مايْحْمارْ من الحْشُومة

قدَّامْ المْحَمْرِينْ بْوْجُوهْهُم

اللِّي مايْحْمارُوا من الحشُومة

nancyajrambt4.jpg

وْاللِّيتْ مْنْهُمْ

لَوحة فَنِّية

لَوحة بْنْهارْ

باللِّيلْ ممْسُوحَة

بْحالْ زَهْرِي

باللِّيلْ مفْضُوحة

26530033.jpg

قُدَّامْ نَفْسِي

وْمعَ راسِي

نْغْدرْ النَّاسْ

غَدْر الزمانْ

نْزَوَّقْ للنَّاسْ

chrinegj8.jpg

بْزْواقْ الزمانْ

نْضْحكْ للناسْ

ضحكة الزمان

عاشرْتْو ٤٠سنة

وْاللِّيتْ مْنُّو

بْحالُو

عشيرة الزمان

 charifa 25/05/2008

****

امْكْحْلة الكْحُولْ

***

 

يا دْوايْةْ مْدادِي

يامْكْحْلة الكْحُولْ

kholguerlain.jpg

يا وَرْثْ أجْدادِي

فْ كاغْطْ العْدُولْ

ياحايْكْ العِينْ

يا لْثامْ أسود زينْ

554198.jpg

إِي فَرَّحْ الحْزينْ

وِي شَطَّحْ الرْزِينْ

الصحيحْ إِي خَلِّيهْ إِي نِينْ

وْ المْريضْ الله لِيهْ عْوينْ

يا لُونْ العَنْبرْ

 

عْلِيه الشْفايْفْ تْعْثْرْ

يا لُونْ الخالة

تْخَلِّي القلبْ فِي حالة

يا لونْ الخِيمة

وْ المْرْوْدْ اوْتادْها

إكَحَّلْ الرْزِينة

وِخَبَّلْ اوْلادْها

اوْلادْها هما شْفارْها

هما وْراقْ نُوَّارْها

المْرْوْدْ لامسْ الشْفارْ

khol.jpg

لَمْسة العُودْ لْلأوْثارْ

خَلاَّ العِينْ تبكِي أنْهارْ

دْمُوعْ كَحْلَة من كحُولْ حارْ

نازْلة عْلى الخْدُودْ كِ عُودْ النُّوَّارْ

265300331.jpg

كأنَّ المْرْوْدْ يْعْزْفْ الكمانْ

violons20141.gifkholguerlain.jpg

عَزْفْ حنينْ من أجمل الألحانْ

يْلْمْسْها وِكَحَّلْها بدقة أو حنانْ

violons207.gif

يا مَرْوَدْ عِينِي يا عازْفْها وْ مْكَحَّلْها

 

بْ مُوسِيقَى تْجْلْبْ الشْفارْ أو تْخَبَّلْها

وْاللِّيتِي ملْيُوحْ فْ مْجَرْ عَقْلِي تْعانِي

ناشْفْ بْحالْ عِينِي مْكَمَّشْ وحْدانِي

يا دْواية مدادي يا مكُحْلة كْحُولِي

تْقَطْعُوا رْجْلِيكْ أو مابْقِيتِي فْ العيْنْ تْجُولِي

عامرة أو مَقْفُولة بْحالْ قَلْبِي ما بْقَا ماتْقُولي

violons2011.gifviolons2011.gifviolons2011.gifviolons2011.gifviolons2011.gif
 

 

r25568212.gifboussafa charifa 15/04/2008

………

 

 

 كم أنا سعيدة

لأنني خطفت قلبا عربيا جميلا ليس بالمغربي

إستولت على هذا القلب الكبير فقط بكلماتي…..

 الأخت إسمها رحاب فارس بريك

الإقامة : الرامة ـ عين الأسد

هذه الأخت الرائعة في الجمال

 آجابتني على هذا الجزل المغربي

قررت أن أضعها بجانبي لكي يظل دفتري ساطعا

تقول الأخت رحاب فارس بريك 

…………

يا داوية مدادي

يا مكحلة الكحول

هلا بيكي ببلادي

يا مزيونة القول

شعرك أشرح فؤادي

وبسيفك المسلول

بقلمك كحلتي عيني بالسوادي

بكحل الحكي المعقول

شرفتينا بهالإستفاده

بشعر زين معدول

 

**************

ألأخت شريفه بصفا

شعرك جميل ومميز

يعطيك ألف عافيه وزيدينا

 

***

 

زلقة لْحْدورة

 

 

 

فاين طالعة…فاينْ طالعة؟

أجابت

 راني طالعة فالعقبَة

قالوا

فاين دالعة…فايْن دالعة؟

قالت

بغيتْ نشوف حدْ العقبة

قالوا

حبسي يا الطّالعة

وْ تْمتْعِي بْجمالْ العقبة

عَنْداكْ

 

 

الطِيحي فْ لْخوا

وْ تْعِيشي بْ الدْوا

أجابت

 

خلِّيوْنِي طالعة

نشوف الشمس قريبة

نشوف السما الحبيبة

نْعدْ النجومْ

ننسى الهموم

نشوف عيون الكمْرة

وْ غروب الشمس الحمرة

نشوف الجبال من راس العقبة

طلوع العقبة صعيبْ وِ خوّفْ

عامر بصداع الراس وبالهم إيطَوّف

طلوع  العقبة فم محلول عامر دبّانْ

عامر شقا..بحثْ..إجتهاد مافيه أمان

طلوع العقبة صبر الجمال

الوُصُول لْراسْ العقبة محال

خلِّيوني طالعة

خلِّيوني دالعة

نرتاح من طلعة الزمان

خلِّيوني دالعة لراس العقبة

نرتاح من الجري وْ الطلوع

وِ يرتاح قلبي ساكن الظلوع

خلِّيوني نشبعْ راني ميتة بالجوع

بغيت هوا راس العقبة إيراري بِيّ

 وْ راحة الراس الشايب للعقبة يْحن فيّ

بغيت عْيا راس العقبة يْغمّض عِينِييّ

 وْ صداع راسي لْكْحلْ يسكُتْ عليّ

اللِي بظلامو ما نشوفْ النور الداير بيّ

بغيت شيب راس العقبة إِ وقّفْ رْجلِيّ

نشوف الدنيا بنجوم راس العقبة السحرية

قالوا

عنداكْ الحدورة يا الطّالعة

راكِ تْزلْقي وْ تْوَلِّي دالعة

أجابت

لا تخافوا علِيّ من الحدورة

واخّا نْوَلِّي زالقة ومجرورة

ولادي غَ يْولِّيوْا كبار

عيالات وْ رجال أحرار

إي  كمْلُوا ساس الدّارْ

و نسِّيوني الهم أو المرار

نولِي صغيرة فرحانة ماشي مقهورة

إيراريوْا بيّ وْ نولِّي شانتة وْ مغرورة

 

 

y1pqbhxg5ffyfi0njhnpa5hemn6jhhoprtpdwpez2j23dqysir3gry401bsebrwbhjbjqb3i774.jpg

نشوف بنتِي  مرا أو لحية ولدي منجورة

نشوف شبابي فْ شبابهم و نوّلي مبشورة

ما نحسْ براسي مشمُوتة ولا مغدورة

خلِّيوْني طالعة راني وْصلتْ لراس العقبة

والليت زالقة…عييتْ نشد راسي

واللاّ  شايبْ راسي من لْحدورة

دبال وجهي من زلقة لحدورة

واللِّيت بْالهبطة السريعة محكُورة

خايفة نولِّي بالعكازْ مقوسة ومعْدورة

زالقة..زالقة…واناري على زلقة لْحدورة

 

ilham  24/07/2008

****

خرجتْ طويلة من داري

 

 

***

خرجتْ طويلة

 

والله

طويلة من داري

لا دِيدِي

لا حب الملوك

خرجت

الله كريم

خرجت والو

زاوية

محنية

لاوِية

كنت مْرا  دْ الزمان

نخلِّي غذاتي

لْ عشاتي

نْجمع

لْ دوايْر الزمان

حتى بْنيتْ

أو علِّيتْ

وْ اليوم…

آحيّاني عل اليوم

خرجت طويلة من داري

بْرزايم الهموم

فْ الدموع نْعوم

خرجت ميْتة

مْكفْنة بالحُقرة

 بالظلم

مغَسلة بدْموعي

هازا المَحملْ

مثقّلْ بْعْذابي

هازا قلبي المقطعْ

أو عقلي المشتَّتْ

 فرحي

أحلامي

شبابي

أو صحتي

غادا نْتْلاحْ

غادا لْ خلا

لْ الجّايْحة

للْهاوية

ندفن راسي بْ يدِّي

خرجت طويلة

والله

طويلة من داري

لا يْدِّيكْ

ولا يْخلِّيكْ

 علْ الله

بالحسْ…سْ

عل الضّسْ سْسْ

سْسْسْسْ

 

 

****

  23/09/2008إلهام

****

 

 

صافِي خلاص خلِّينِي عليكْ

 

أنت الهوى اللِّي جا يْدِّيكْ

عملتْ جهدِي باش نرْضيكْ

خرّبْتِي العشرة بلسانكْ وْ يْدِّيكْ

 صافي خلاص خلِّينِي عليكْ

أنت الهوى اللِّي جا يْدِّيكْ

ضيّعْتِي لي حياتِي حرام عليك

سير يا ولد الناس الله يْهديكْ

وانا خلِّيني ها العار خلِّيني عليكْ

19/12/2008 ilham

 

 

14 Réponses à “هموم المرأة المغربية”

  1. morad al aydi dit :

    السلام عليك يا بنت بلادي
    السلام عليك يا نوارة المغرب
    السلام عليك يا الغايرة عليه
    السلام على لالا
    السلام على مولاتي
    السلام على أختي إلهام شريفة بُصفا
    نحييك….
    نقبّلْ ثراب رجليكْ
    درتي للزجل المغربي الشّان
    علِّيتي بيه
    درتي الشّان ل كلامنا
    اللي ما يْحمْلُو حدْ
    كلامنا واللاّ عندو معنى
    واللاّ بْ القيمة
    بْ فظلك يا الحنينة
    الله إي خلِّيكْ لينا
    زيدينا….زيدينا
    ما تْبخلي علينا
    خوك مراد العايدي

  2. khalid dit :

    fi3lan khay mourad
    charifa kat ghir 3la loughtna
    maghrbitha ou kalmna ali mizano tkil
    lazm nhabo lablad fin kbarna ou trabina
    li ana mahma tal zaman ghadi n raraj3o l’trabha fin trabina
    ou kbarna
    ou hapina
    hada blog kan samih
    bhar bla mawj
    tesbah fih walaw mata3rafch t3oum .
    ana b dawri kan dam souti l soutek .

  3. khalid dit :

    kasida l3agra
    kat katem aala kabdt al om
    ou 3adabha aal ouladha
    hata anaha tmanat tkon 3agra bach tkhafaf aal rasha horgat mout ouladha

  4. dawhich dit :

    salam,tu c wallah had site tta 3jabni tbarklah 3likom mé ….
    une chose lli ma3ajbatnich hiya dik la carte diyal maroc bladna o blad l3azz o nssar
    blad l7akma blad lkaram o ljoud …
    dik la carte machi 7chouma t9assmo lablad o takhdo liha bantha sa7ra hadik bant lmaghrib o partie manno alors jaime bien ke vs la changer
    merci ….

  5. laila dit :

    macha alah klamek zine o bhalek

    fiyn fhalek y tkalmo f korat l ein…??

  6. lilyan dit :

    تبارك الله عليك ختي الهام
    وتبارك الله على الزجل ديالك
    انت خليتي لكلامنا قيمه عند الناس الى مايعرفوه
    وما يعرفوا معانيه الله يطول لنا في عمرك بش نشوفك ديما منوره بقلم ديالك بلدنا

  7. Anonyme dit :

    ok bonnnnnnnnnn

  8. moustapha dit :

    انت الهام الهضرة
    الشابة الكاملة المسرارة
    بنقيمك حارو جميع الرجلة
    واش الكلام من القلب ولا من شطراة ولا كلام امرة غايرة معصبة بالمرارة
    بغيت انحس واش كلام الرزانة منك ولا من كمك ولا مسلفاه من عند امك
    انت يا المصوابة الى كان منك
    تستهل تاج الامراء
    والى كان من كمك ولا منسوخ من وراق الحبارة انت امرة بلا تمارة
    والى كان من عند امك
    تستهال الف وردة لتشريف المراة الصاينة المغيرة

  9. Widad dit :

    Tbarkelah alik l okht Ilham Rien à dire surtout dok les photos dial chirine et nancy hhhhhhhh cool

  10. meryem dit :

    ahlan wassahlan blala ilham nti wahda 3adima wachrifa ana 3ajbani fik kol ma9oltih okanhayik bazaf fin makonti yalokht nawal merci .

  11. nabila dit :

    lah y3tik saha
    li ktb had chi

  12. hayat dit :

    c bon vraiment w hta ana kanktab zajal

  13. Anonyme dit :

    هههههههههههه ليعطييييييكككككككككك
    الصححححححةةةةةةةةةةة
    زعمىىىىىىىىىىىىىىىىىى
    مااااااااااااعندييييييييييييي
    مااااااااااااااااااااا
    نقووووولللللللللللل
    للللللللللييييييييييييكككككككككككك
    تبرك اااااااااللللللللللللللللللللللله
    ععععععععععععععععععععععععععععللللللللللللللللييييييييييييكككككككككككك

  14. https://vacancesiledefrance.wordpress.com dit :

    Texte remarquable. Je viens de découvrir ce site et vais continuer à le lire !

    https://vacancesiledefrance.wordpress.com

Laisser un commentaire

 

cornillonchristophe |
Les Livres de Loïc ! |
UN PEU DE POESIE |
Unblog.fr | Créer un blog | Annuaire | Signaler un abus | Franck Bellucci
| Les maux du coeur
| Mes mots...