• Accueil
  • > كل يوم كانتزاد…كا ننفخْ أوووووووووف على…حر الميلاد

كل يوم كانتزاد…كا ننفخْ أوووووووووف على…حر الميلاد

كل يوم كانتزاد...كا ننفخْ أوووووووووف على...حر الميلاد  dans 7argou w't7argou vol12

 

03 dans 7argou w't7argou

vol12

 

   الرابطfleche041.gifكل يوم كانتزاد…كا ننفخْ أوووووووووف على…حر الميلاد

شحال من شمعة تكفيني
شحال من حرف يغذيني
بغيت لمرايا مللّي تشوفني
ما تخاف مني ولا تبكّيني

miroir

فريد الأطرش – عدت يا يوم مولدي كاملة

كل يوم كانتزاد
بغيت واللاّ كرهت
اطفيتْ واللاّ شعلت
يدي فوق راسي واللاّ ف الما
عيني ف الأرض واللاّ ف السما
vol12

tym-anniversaireG

vol12

كل يوم كانتزاد
نقطة بنقطة ف فم الواد
دمعة ناشفة ف عيون لَوْلادْ
vol12

52

vol12

كل يوم كانتزاد…
ف لحساب
راكبة على الزهر و المكتاب
زايدة ناقصة كيف السحاب
مرة نعزف القاقون بأوتار التراب
و مرة التراب يعزفني بسمفونية لعذاب

vol12

h-20-1189637-1210025453

vol12
كل يوم كانتزاد
حر الميم ف فمّي
و الآه ف دمّي
ذاتي ف حفرة الْيَ
و عقلي براية الضّاد
vol12
catue

vol12

كل يوم كانتزاد
بشوك النوّار
ف حلق النهار
وعسل الدفلة الحار

vol12

أحمد السقال

 الصورة الرمزية أحمد السقال

بغيت لمرايا مللّي تشوفني
ما تخاف مني ولا تبكّيني
..
/
كما يقال أختي إلهام: « تْمّا اللّْعبة »

تحياتي

vol12

 

إلهام بُصفا  

 

الصورة الرمزية إلهام بُصفا

 

vol12
« تْمّا اللّْعبة »و ف اللعبة فاش بقات

 

شي يلعب بلَعقول

 

شي يخوّف بالغول

 

شي يلعب بالريوس

 

غير بشمّا من لَفلُوس

 

« تْمّا اللّْعبة »و ف اللعبة فاش بقات

 

ماهي مُونيكة

ولا فردي د ميكة

 

اسمها الحقيقة…تطعن… إيلا لعبات
vol12
لعبة لَكبار…ما فيهاش ميكة و تخرشيش

 

السبع دْ بصّحْ …خاصو ياكل باش يعيش

القرطاس ف اللعبة ما يلعبش مع الدّرويش
vol12

اليوم حروفي بدخلتك عليها أخي أحمد ضوّات

 

تعاندت مع الشمس و ف جوف الليل شرقات

 

تحياتي

vol12 

ريحانة بشير

 

الصورة الرمزية ريحانة بشير

وعلاش مانكول وخا مشا الشباب وتبعاتو ليام
نبقى حلوة لسان اللي سمعني يطيعني وفهوايا يذوب شحال
هذه سنة الحال .
حرف من ذهب سكن القلب قبل العقل بروية مروية وحرف وقاد
هذه إلهام إلهام , دمت فواحة في بستان الزجل .

vol12

إلهام بُصفا

 الصورة الرمزية إلهام بُصفا

vol12
اتْكمّش وجه لَمرايا و ضياقُوا عينيها

اعْيات تزيّن بلسانها..ما الدّاها حد فيها

كانت إيلا دوات… الشمس تنوّر فيها

 

الكمرة إيلا سمعتها تنسى جمالها فيها

 

و اليوم…ما ابْغ يهزها الْمَا(ء) ولا يدّيها


معلقة بين هنا و لهيه…ما بقى حد يسمّيها
..
.
vol12

كانت حروفي ناشفة و عطشانة
سقاتهم جمال و حلاوة لالّه ريحانة
و مرايتي ما بقات تشوف ف الْمَكَانة

ضحكت معايا و عنّقتها فرحانة
شكرا… شكرا لالّة ريحانة
vol12

 

غير زوّقت…شافتني و فرحت لمرايا بيَ

 

ضحكت بلَبْكا و نزل لكحول من عينِيَا

 

غَوْتَتْ بالْخَلْعا منّي و هربت بالجْرِي فيَ


و ما زالة كا نتزاد…
vol12
265300331

vol12
شافت لَمرايا فيَ و قالت…
فين كنتِ هذي شحال…؟
قلت…كنت موقفة الص(س)معة لا تطيح
خايفة عليها من لَخوا و سيدهم الريح
على ظهري محملة جبال
ماحدِّي كا نتزاد…
نعاود الموّال
vol12

vol12
شافت لمرايا فيَ…
قالت… واش انت واللاّ هي…؟
قلت…أنا اليوم هي والبارح كنت أنا
عمرني ما نرجع أنا ولكن نبقى هي
حيت… كل يوم كانتزاد…
vol12

vol12
ضحكت لَمرايا عليَ و قالت…

 

فين انت ؟ و علاش رجعت هي ؟

 

قلت…كنت أنا و اليوم أنا هي

 

و أنا

 

امْممم


ش
ا
ا
ا
ت

 

فيَ

 

ما حدّي كا نتزاد


وأنا شاعلة فيَ


vol12

vol12
قالت لَمرايا…ولّفتك انتِ ماشي هي


كيف ندير انْعرفك يا هيَ…؟

قلت…شوفي ف خابية عيوني

 

و الدمعة اللي تطل من جفوني

 

ديك الدمعة الحاجبة الواقفة فيَ

 

أنا كا نتزاد…

و هي خايفة تنزل و


ت

 


م
و
و
و
ت


فيَ
vol12

المصطفى كووار

 

ضحكت لمرايا مني وخــــرجت لي لسانها

مابقات تعكس ملامح وجهي لاينقص مقامها

من بعد الشباب جا الشيب ولعلايل بسهــامها

 

غبات حروف الزين والنفس غرقات فسقامها

 

ما بقا للصوت رنين . غير أنين يسوط فضرامها

 

فين بها الصبا والنفس غارقة فنسامها

 

والدنيا جنة قطوفها دانية لذيذ اطعامها

ولحباب دايرة بسوايع الفرح زاد اسلامها

 

والصبايا تغني للعشق احلا انغامها

غير اصبر ياقلبي ليام تدوي وترجع فكلامها

أيتها الملهمة الناطقة بالحكمة ، زادك الله حكمة وبهاء وإبداعا

 vol12

إلهام بُصفا

الصورة الرمزية إلهام بُصفا

كل يوم كا نتزاد…


و اليوم تزدت فرحة و أنغام

 

لبس وجهي ضحكة يا سلام


ببها(ء) حرفك و عزف لكلام

كل يوم تتزاد…

 

صحة وفرحة يا أخي المصطفى


إن شاء الله ربي يزيدك ف لعمر

أنا سعيدة حيت خرّجت منك اليوم زجلية رائعة

 

vol12

خرجت لمرايا عينها و قالت…شكون بدْلك يا انتيَ

 

قلت…بدّلني النهار اللي يدور بشمسو و شتاه فيَ

 

بدّلني الليل اللي غادي و جاي حدا عينيَا

 

من يوم تزدت…

 

وانا نتبدّل حتى يوقف أنا فيَ
vol12

vol12
كل يوم كا نتزاد..
عجبني واللاّ ما عجبنيش الحال
مقابلة الشمس يمكن تعطيني سن لَغزال
حتى يرحل لبحر و ينزل من ظهر الرمال
vol12
sourire_enfant

vol12

المصطفى كووار

شكرا لك أختي على ردك الرائع الجميل
وأتمنى لك ولكل المطريين الصحة والعافية والمحبة الدائمة. والمزيد من الإبداع
.

vol12

القوشي عبدالسلام

الصورة الرمزية القوشي عبدالسلام

باش نرد واش نكول

 

على خبيرتك يا بنت الصفا المغزول

 

جدبتك جدبة تخمر لعقول


حكمة وميزان حنة وسبول.

استمتعت والله يامجدوبة مطر.

إلهام بُصفا

الصورة الرمزية إلهام بُصفا

vol12
ف جوف ليل لَمرايا…سمعت عزف الواد
عييت انْقلّب عليه… ف هنا و لهيه
لقيتو على خدّي يجري و العين تتمتّع بيه
ما حدّي زايدة و هو الله اللّي يعلم عليه
vol12
اليوم تزدت فرحة بكلامك اللي يقطر عسل
اتزدت برزقي بكرمك اللي بنورو علي طل
تحياتي لك أخي عبد السلام

vol12

vol12
كل يوم كا نتزاد

 

نطلع ف لحدورة

 

نهبط ف الطّلعة


و ف الرّاس…كا نتقادْ
vol12

 

vol12

تقادُّوا لَمرايا عينين لَكْتاف

 

غير تشوفني تعاير و تسعَر

طيحتْ نقطة النون و القاف

دردَبْت و مشيت نشرب لبحر
vol12

 

vol12
ولدت عيني دمعة غريبة

 

ناشفة..مكمشة بلا ميعاد

 

عنبة ابكات و رجعت زبيبة

كل يوم كا نتزاد…


و اليوم تزادت ف مرايتي شيبة
vol12

Une Réponse à “كل يوم كانتزاد…كا ننفخْ أوووووووووف على…حر الميلاد”

  1. musta dit :

    waaaw wallah sob7an li khal9ak ma 3raftch kifach n3apar 3la had raw3a li fik

Laisser un commentaire

 

cornillonchristophe |
Les Livres de Loïc ! |
UN PEU DE POESIE |
Unblog.fr | Créer un blog | Annuaire | Signaler un abus | Franck Bellucci
| Les maux du coeur
| Mes mots...