• Accueil
  • > آلام الذات و مناجات الروح

آلام الذات و مناجات الروح

 

nature16.gif

 

vol12.gif

طاحتْ الورْقَة فُوقْ الترابْ

vol12.gif

طاحتْ الورْقَة فُوقْ الترابْ

يا خسارْتْ اخْوَاتاتْها فِيها

طاحتْ الورْقَة فُوقْ الترابْ

 من الشجرة يطُلُّوا علِيها

كانْ لُونْها جميل خَلاَّبْ

يخَلِّي الفَنَّانْ يرسم فِيها

طاحتْ فْ يد المكتابْ

و ماتتْ أحْلامْها فِيها

طاحت النُّقْرة فوقْ الترابْ

و خلاَّتْ الكُلْ يبْكِي عْلِيها

أُمْها وخُّوتْها وْ الأحْبابْ

يتْمايْلُوا بلا رِيحْ علِيها

طاحتْ لالاَّ فُوقْ الترابْ

نزلتْ دمُوعْ السما علِيها

حزنت و لبست الضْبابْ

لبست الغيام من حُزْنْها ليها

اصْفارْتْ الأوْراقْ من العذابْ

161f0ae.gif

نَوَّحْ الرَّعْدْ و شَقْ السْما علِيها

1.gif1.gif

طاحتْ الصَّبِية على الترابْ

افتح بَابُو و فرح بِيها

عَنَّقْها من كُثْرْةْ الترْحابْ

بِينْ أحْضانُو بدا يخَبِّيها

رجع الترابْ للْترابْ

و الرُّوحْ عند الله يحاسب فِيها

تفرْتت الترابْ فْ الترابْ

و رجعت الأمانة لْمَّلِيهَا

ilham26/03/2008

vol12.gif

 128637xl0rv3jxks.gif

vol12.gif

الليل حزم بظلامُو راسي..و سريرِي بدا يجرْنِي لعَنْدُو

ما بغى يطِيبْ نعاسي..ولا جمارْ ذاتِي حبُّوا يزَنْدُوا 

طيّحْتْ محراثِي و فاسِي..و مطارْقْ صحتي رفْضُوا يخَمْدُوا

بديتْ بْ الدوا(ء) نغبّرْ نحاسِي..صداعْ عروقِي ما بغاوْا يهمْدُوا

حاوْلتْ نبرّدْ عقلِي ساسِي..و أعصابي اللِّي قرُّوا ما يجَمْدُوا

ilham04/01/2009

 آلام الذات و مناجات الروح dans 7argou w't7argou vol12

نفسي على رقبتي

 

vol12 dans 7argou w't7argou

vol12

القصة و ما فيها

العمر كلُّو

بدات بللِّي فيها


مللي عينيه تحلُّو


ما زال همها فيها

و عُمري
 

هههه


بْ سناني راني نحلُّو

تخبلْتْ الكبّة


 كبرت الحبّة


وْ علاتْ القبّة

القصة


كانت بالكصّة


هههه

شانتة بْ راسها


موقْفة ساسها

الدّبْلْ فْ عينيها


وْ الدردكْ بْ رجليها

على اللِّي يتعرضْ لِها


و اليوم

هههه


واللاّت الأيام

تْ رْ دخْ خخخخْ

تردخْ فيها
vol12
القصة و ما فيها

حكّة

على الدّبرة

دكّة


مممممممْ

فْ قاع البير

ما تشربُو ولو تطيرْ


دكّة ماء


مممممممْ

تلفْ


نشفْ

من كاس حياتي

اللي الشربة فيه

ممممممْ


تنسِّيكْ فْ الآتي

ماء من الحرير


هربْ
تصبْ

تكبْ..


آيْ…يايّايْ



على الجِّير

نوّضْ العوافي


على الزهر الصافي


vol12
القصة ْو ما فيها


موسْ حافي


على رقبة ممدودة

تصنع الحرير


و ماتْ…ماتْ لبسُو كِ الدّودة

موس يمشي
 

وِ يجِي


يعذّبْ


وِ يتْعذّبْ

يطلّعْ الدّمْ


حتى يسيل الهمْ

وْ الرّقبة


آآآ حياني على الرقبة

تحاول تتخبّى

أو ترفضْ تتربّى


ديما ..ما.. مااا على سبّة

الرقبة

صابرة وْ تشهّدْ


ما قدرتْ تتعوّدْ

على الوقت المدوّدْ


الرقبة تشهدْ وتقول

اغفر لي يا رحمان


هملت نفسي


يِيي…يِييييييي

المذكورة فْ القرآن


هي على رقبتي

نتمنى نعطيها حقها


نتسنّط لها

هي ذاتي


عدوة الشيطان


vol12
القصة و ما فيها


الذات

واياكْ يا إنسان


تتخلى عليها

جول وسطها


و سمع لها

القصة فيها وْ فيها


أيْ…أيْ..يايّايْ

ذاتي وْ ذاتك


اللي غدّا نتحاسبوا عليها

ilham boussafa 22/04/2009

vol12

عارفة راسي غادا

vol12

vol12

عارفة راسي غادا 

و هكداك

هْهْه

مازالا غادا

على حاجتي نتفْلّى

بالخوا نتسلّى

على المسكين نتعلّى

على الحباب نتخلّى

و على الهموز نْ الدّلّى

 vol12

عارفة راسي غادا

و هاكداكْ

 هْهْه

ما زالا غادا

حتى لين غادا؟

فين.. فين..غادا؟

بالنفاق نتعادى

دايرة راسي

ناسية العبادة

فْ النميمة انْكمّطْ

بلا  زحمة ولا ولادة

 فْ الكذوب انْلمّطْ

حافظة هْهْه العادة

vol12
عارفة راسي غادا

فين…فين غادا؟

حتى…نتقادى؟

و علاش غادا ؟

بالغضبة

و الكذبة

معفرة نرفرف

و من الله ما نرجفْ

ولا من النار نقفقف

غادا و نلهفْ

ماخايفة نرعفْ

أو ب الله…أيْ يايّايْ نحلفْ

vol12
جيت نزرع

باش نحصد

لله نركع

باش نسعدْ

جيت نعبد

الأصل نوْلدْ

و الله نحمد

نمشي بْشويّة أو بلاّتي

نصبر على حياتي

نكثرْ فْ حسناتي

نعمل للآتي

vol12
عارفة راسي غادا

و فين..فين غادا

علاش جيتْ

يا ريتْ

يغفر لي الله

مللي جيتْ

يا ريت

ماننسى علاش جيتْ

أو علاشْ غادا

ilham boussafa 22/04/2009

vol12

 

vol12

يا روحِي العزيزة يا ضيفَة ذاتِي

vol12.gif

يا روحِي العزيزة يا ضيفَة ذاتِي

ابْقايْ مازالْ ما سخِيتْ بحياتِي

عافاكْ لا ترميني فْ انياب مماتِي

مازالا نحلم بْ الحاضر و الآتي

و انْطِيحْ والنُّوضْ على ولِيداتي

اوْلادِي يا روحْ مازالينْ صغارْ

اتمنّى انْرَبِّيهُمُ حتى يرجعوا كبارْ

و انْشُوفْ نَجاحْهُمْ واحد االنهارْ

يدِيروا اوْلادْهُمْ وِ يمْشِيوْا من الدَّارْ

ما بْغِيتْكْ يا رُوحْ تبقايْ معلقة ها العارْ

غِ نْشُوف وْلادْهُمْ أو تْبْرْدْ لْقَلبي النارْ

يا روحِي العزيزة يا ضِيفَةْ ذاتِي هاالعارْ

خَلِّينِي نحمي اوْلادِي من الزمان الحكّارْ

boussafa charifa ilham14/04/2008

 boussafa charifa ilhamr255682112.gif

latifa20raafat.jpg

photo de latifa raafat

جواب على أغْنِية الفنانة لطيفة رأفت مغيارة

vol12.gif

هي مغْيارَة

vol12.gif

هي مغْيارَة أو عَنْدْها بعْدا علاشْ تْغِيرْ

وانا مطْيارة فْ الوحْدة نعُومْ وْ نحِيرْ

الدْنيا غْدَّارة مْدَوْخة الأحبابْ وْالغِيرْ

هي مغيارة أو عندها بعْدا عْلاش تْغِيرْ

انا تايهة فْ دُوَّارة مالقِيتْ كبير ولا صغير

كِ البْرَّادْ بْلا عْمارة والّلا دودة بْلا حْريرْ

داتِي في غارة أو روحي فْ السْما الطِّير

تبْحتْ عَ الحْكٌّارة الّلي نْساوْا الخير

نْساوْا يُوم كُنْتْ نُوَّارة راضِية بالمصير

هي مغيارة أو عنْدها بَعْدا عْلاشْ تْغِير

أنا الِّلي فِ المرارة عيا منِّي حتى السرير

واللِّيتْ نْدوي بالإشارة عذَّبْني المرضْ كثِيرْ

هي مسرارة بْجمالْها أو صْغُرْها العقل يحِيرْ

أنا جَهدي خْسارة ، نطلب الله يجِيبْ التّسير

حالي حال الطَّيارة هازَّا حمل الناس و نطير

ساكتة صبَّارة رميت قسوة الزمان فْ بيرْ

غِيري يا أجْمل نوّارة و عبْري أحسن تعْبير

 غيري يا المسرارة خلِّيني دودة وخودي الحْرير

 r2556821.gifboussafa charifa ilham 2007

http://R255682.copyrightfrance.com

 

 

abdelhadibelkhayat.jpg 

 يقول عبد الهادي بلخياط
 

يابنت الناس أنا فقير

دراهم يومي معدودة

إنما عندي قلب كبير

بحر شطآنوا  ممدودة
…..

..…………..

وفي النهاية يقول

الدنيا غطاها لحرير

أوأصل لحرير الدودة

أوالدودة عريانة لباس

التواضع آبنت الناس

****

الجواب على أغنية يابنت الناس

للمطرب عبد الهادي بلخياط

****

ya weld nass

vol12.gif

يا ولد الناس

vol12.gif

يا ولد الناس فقرك كان غير سْبَّا

يا جميل الإحساس عْيِيتْ منَّك ما نتخبّا

احْدَرْتْ الراسْ خفْتْ لا تكْثَرْ الْمْحَبَّة

ماعندي ساسْ مَرْضِي حَارُوا فيه الطُّبَّا

ما نغْمضْ للنعاس مْعَدّْبَة أمِّي و البَّا

يا ولد الناس فقرك كان غير سْبَّا

ما بْغيتْ لك وسواس،مرضي مازال يترْبَّا

حالي يا ولد الناس حال الجمل بلَحْدْبَّا

إيزيدوه بلا قياسْ فوق الحْدبّة قُبَّة

أنت ماشي فقير، حُبَّكْ بحر شطآنوا ممدودة

أنا جهدي قصير إيام عُمري معْدودة

ابْغِيتْ لك بنت الخير شابة جميلة ومسعودة

تجعْلكْ أمير وتحل كُل البِيبان المسدودة

روحها حرير ما تحْتاج تربّي الدُّودة
نساني يا مول القلب الكبير

أصلي دودة ما تصْنعْ حرير

أصلي حمامة ما تقْدرْ الطِّير

لِيَ الله وحده العظيم البصير 

boussafa charifa ilham2007

***

الجواب على أغنية عبد الهادي بلخياط….ماثاقْشِ بيّ

****

يقول عبد الهادي بلخياط

*****
ماثاقْشِ بِيَّ

 آشْ نعملْ؟

ماثاقْشِ بِيَّ

علاش إي كذّبْنِي

واشْ ما عندو ثقة فِيَّ

إلى آخره

***

جواب إلهام

***

قولي باش نحْلفْ ليكْ

ثايْقة بيكْ…ثايْقة بيكْ

والله…والله ثايْقة بيكْ

لا تْلُومني الله يْ خلِّيكْ

ما نْسْتاهلْ دموع عينيكْ

 أنا حياتِي الجّايّة مرسومة

كيفْ تعيشْ مع وحدة مهمومة؟

بالمرضْ مسجونة و محكومة

حياتها ألغازْ ماهي مفهومة

قولي باش نحْلفْ ليكْ

ثايْقة بيكْ…ثايْقة بيكْ

والله…والله ثايْقة بيكْ

ما نْسْتاهلْ دموع عينيكْ

ما عندي جناوحْ الطِّير بيكْ

ما نبْغِي نكون عالة عليكْ

هربْتْ منكْ حيتْ نبْغِيكْ

ilham2008

11 Réponses à “آلام الذات و مناجات الروح”

  1. zineb dit :

    salut ilham
    j’ai lu vos réponses sur les deux chansons

    c’est vraiment formidable

  2. ibtissam sadouk dit :

    c’est tres beaux tua s vraiment du talon bonne continuation!!!!!!!!!!!!

  3. ibtissam sadouk dit :

    hta ana makaN3yach man choukr lik hit katsstahli walah w ana kanhdik had chi3r dialai yarbi y3ajbak!!!
    YA SALAM 3LIK YA MARROUM
    HALTAK MAHI HALA W BALAK DIMA MAHMOUM
    MARMOUM MARROUM,KHAYF MACHTA9
    W KOUL ALAHASSIS 3LA 9ALBAK KATHOUM
    HALK LHALT LABHAR MTILA MARA F MAD W MARA F JAZR
    W MALK 3LA LHOUB 9ID W LA LIK 3LIH HILA
    TCHKI HALK L LIL W HOUWA 3LIL KATM CHKWAH 3AN SDI9 W KHLILA
    MAYJAWB RIR B AHHH W OUFF WLA LIH RIR CHAKWA MATLAK BDILA
    YASSALAM 3LIK YA MARROUM
    MALK RIR ELKALMA W NARMA WALGAMRA WNISS 3LA HAD LAMHINA
    BALKALAM TSSABAR 9ALBAK W T3TIH MI3AD LRADA W MAHOU BSED9
    W LA YMESS LHA9I9A BSSELA
    W BENARMA TEKHLA9 3ALAM MEN ELAHLAM Wl ACHJAN
    TER9OUSS 3LA I9A3OU LA9LOUB LAHZINA
    WAL GAMRA LAK WNISS W MRAYA TCHOUF FIHA SOURT LAHBIB LI
    MATFARA9 LMOUKHAYELA
    CHHAL 9ADAK YA MARROUM MAT3ANAD HAD ELILA
    3LA HAD LHAL NTA MAN ZMAN ALF LILA W LILA
    HAROU FIK L3OULAMA LHALTAK BAHTOU 3AN TAFSSIR
    W MAL9AW BACH YBARDOU HAD ENAR ECH3ILA
    YEMKAN ILA 3TAF W HAN 3LIK LAKHLIL YERAJA3 LIK
    BASSMAT EYAM W SNIN TOUILA
    W T3ICH ENTA WIYAH F 3ALAM ABDELHALIM W CHADIA W FARID
    W TSSAM3OU OURNIYAT ( FI YOUM W LILA).

  4. ilham charifa boussafa dit :

    ca m a fait pleurer vraiment …

  5. ibtissam sadouk dit :

    MERCI KHTI ILHAM 3LA HAD CHAHADA LJMILA W LI BNISSBA LIA WISSAM 3LA SADRI W CHAHADA MAN OUSSTADTI WALAH FALHA9I9A ANA MAJARABTCH NAKTAB BAL ARABIA ALFOUSSHA BALHA9 KATKTAB EN FRANCAIS MAIS SURTT LA NOUVELLE.CHOUKRAN JASILAN ENCORE UNE FOIS

  6. Nessim dit :

    Vraiment c’est tresssssss formiiiiiiiiiiiidale.
    ça ma tropppppppppppppppppppppp touchééééé.
    j’ai cru qu’il y a déja cette reponse sous forme de chanson :)

  7. benaissa elhadji dit :

    الأخت الهام بصفا
    السلام عليكم
    سعدت كثيرا بوجودي بين حروفك وزادت سعادتي
    حينما رنت على ضفاف ادني نبرات صوتك
    أحييك واحيي قدراتك الفنية
    لي عودة
    تحيتي لك

  8. Anonyme dit :

    يا سلام

  9. omar dit :

    merci khty ilham 3la had lklam zewin dialak saraha tefkirak zewin bazaf 9lalou bhalak yarabi i3tik toult l3mar

  10. Anonyme dit :

    salam ana btissam nhab n chakrak klamk jmil wfi3lan hiya mojard horof bsatihom lkalimat wslo lina la3ma9 9lobna ntmana mazal nsam3o bhal had lkalam lbasit wljmil

  11. fatima zahraa dit :

    salam khti ilham tbarkelah 3la klamek ou 7roufek.
    3titi le7roufek 7a9eha ou rzentiha ya zinet leklam ou zinet tebssima
    tbarkelah 3lik <3

Laisser un commentaire

 

cornillonchristophe |
Les Livres de Loïc ! |
UN PEU DE POESIE |
Unblog.fr | Créer un blog | Annuaire | Signaler un abus | Franck Bellucci
| Les maux du coeur
| Mes mots...