• Accueil
  • > رحلة البحت عن الذات

رحلة البحت عن الذات

 

2umar11.gif 

 

عَرْضُوا كِيسَانْكُم.. انْصُبْ لكُمْ من عِينِييَّا

ما تحْتاجُوا مجْمَرْ..لا عافِية ..راها تكْدِي فِييَّا

 

عَرْضُوا كِيساكُمْ..وانْزِيدْكُمْ الدَّكَّة حتَّى هِيَّ

 

ما عنْدِي شِيبة..لا نعْناعْ ولا سُكَّارْ فْ الصِّينِييَّة

 

عَنْدِي غيرْ دمُوعِي فْ خزَّانْ قَلْبِي.. امْثَقَّلْ علِيَّ

 

عَنْدِي غِيرْ دموعِي ..الله يجِيبْ.. لَما قَبْلُوا علِيَّ

 

دموع حاجْبة.. غِيرْ منْ بابْ العِين الطَّلْ عْلِيَّ

 

دمُوعْ مَقْهورة ..زيزُونَة..كِفاشْ تعَبَّرْ الزُّغْبِيَّة ؟

دموع حنِينة..رْزِينَة ما تْصْرْخْ و حَشُّومِيَّة
                                                                                                      رحلة البحت عن الذات dans 7argou w't7argou vol12
عَرْضُوا كِيسانْكُم.. يا جِيرانِي واحْبَابِي و المَّالِيَّة

 

و تمَتْعُوا بدْموع طايبَة علَى الرْماد كِ الطَّنْجِييَّة

 

رماد شعْلُو قَلْبِي يُومْ ماتْ بُويا المُومُّو دْ عِينِييَّ

 

رمادْ من الفوق باردْ.. والدَّاخْلْ الله اللِّي عالْم علِيَّ

 

رمادْ من الفوقْ باردْ وْالدَّاخْلْ فْ ذاتِي يشْوِي لِيَّ

 

إيقَطَّعْنِي بلاَّتِي أو فْ القُضْبانْ إيزَلَّكْ فِيِيَّا

 

إيزَلّكْنِي فْ قضْبانْ العْذابْ.. وِ وَكَّلْ ذاتِي لِييَّا

 

عَرْضُوا كِيسانْكُمْ ..نسْقِيكُمْ دموع أَثَرِيَّة

 

غِيرْ بشْوِيَّ علِيها راها عياتْ الحَشُّوِميَّة

 

بشْوِيَّ علِيها.. راها رْشاتْ المنْسِيَّة

 

normalvieilledame2020les20andes2020argentine dans 7argou w't7argou
vol12
بشْوِية على جَدَّةْ دموعِي السَّكُّوتِيَّة

 

غِيرْ بلاَّتِي خَلِيوْها تنْزْلْ بعُكَّازْها المْحْنِيَّة

 

اللِّي وَقْتْ الصَّدْمة.. ما طَيْحاتْ اركابِييَّا

اللِّي وَقْتْ فْراقْ دمِّي سدَّاتْ الباب علِيَّ

 

فراقْ البَّا الحْنِينْ اللِّي خطْفاتُو المَنِيَّة

 

فراقْ رُوحِي..هِيَ واقْفَة وانا تالْفة بِيَّ

 

عَرْضُوا كِيسانْكُم.. يا جِيرانِي واحْبَابِي و المَّالِيَّا

 

نَرْوِيكُمْ.. كِيما ارْوِيتُونِي يُوم غابْ العزيزْ علِيَّ

 

ابْكِيتُوا حتى بَرَّدْتُوا.. و ما خلِّيتُولِي حَقِّي شوِيَّ

 

ابْكِيتُوا والنَّارْ طفِيتُوا وانا نارِي ماهِي مطْفِيَّة

 

رمادْها حامي من زمان ما بغَى يبَرَّد علِيَّ

 

ما علْمُتُونِي انْجِ طايْرَة.. وغْدايْدِي تبْردْ لِيَّ

 

ما علْمْتُونِي بمُوتُو ..من البُعْدْ ..كُنْتُوا خايْفِينْ علِيَّ

 

ابْكِيتُوا و برْدْتُوا وانا داخْلة لْ بْلادِي بْاللاَّتِي علِيَّ

 

نحْلَمْ انْبُوسْ و انْشم ريحة أمِّي و انْعَنَّقْ الغالي علِيَّ

 

نحلم ببْلادِي ..و جلْسة الوالْدِين الثقْلِيدِيَّة

 

ألقِيتْ أُمِّي لابْسة الأ بْيض و الخُّوتِي إيشُفُوا فِيَّ

 

هُما ابكاوْا حتى اعياوْا وانا بْكايا ما ابغ إيسلَّمْ علِيَّ

 

واللاَّتْ دمُوعِي تقَطَّرْ فْ ورْدْ الأيام و تستَّفْ لِيَّ

 

معصرة نُقْطَة.. بْنُقْطة فْ خابِيْةْ قَلْبِي.. تعَمَّرْ لِيَّ

 

جيت نسْقِيكُمْ ..ما ورد قَلْبِي اللِّي تقطّر على يْدِّييَّا
vol12
عَرْضُوا كِيسانْكُمْ و تلَدْدُوا البْنَّةْ اللِّي كانْتْ مخَبِّية

 

عَرْضُوا كِيسانْكُمْ ذوقُو عْسل قلبي.. ورُدُّو الخْبارْ عْلِيَّ

 

عَرْضُوا كِيسانْكُم باشْ على الأقَلْ تحْسُّوا بِيَّ

 

و تشْفُوا مراية قَلْبِي.. وذاتِي اللِّي فْ السرير مَرْمِيَّة

 

و تجُولُوا فْ عَقْلِي و تقولوا.. احْسن اعْوان الدّرِيّة

 

 

خَلِّيوْنِي نْسُوسْ غُبْرة هَمِّي.. و نوْقفْ على رجليّ

 

خَلِّيوْنِي نحفر اعْماقِي ..و نجْبْدْ كَنْزْ ضَحْكَة الحُرِيَّة

خَلِّيوْنِي نشَطَّحْ حرُوفِي… توْلِّي كْلام وْ أشْعارْ تغَنِّي لِيَّ

 

خَلِّيوْنِي نلْعَبْ بحْرُوفِي على كتابِي بحالْ الصَّبِيَّة

 

خَلِّيوْنِي انبَكِّي كلامِي يمكن تخرج دموعِي الأثرِية

 

تنزل شلالاتْ من جبل عيونِي خلاّبة طَبِيعِيَّة

 

waterfalladv3202

توَلِّي عوينَة نابْعَة تغَدِّي الرُوحْ بالرومانْسِية

 

هما ابْكاوْا حتى اعْياوْا.. وانا بْكايا تكَمَّشْ و تخْلَّى علِيَّ

 

اعييِتْ انزاوْكُو، دفعني و هرب ل اعماقي و ترَكَّن فِي

 

اعيِيتْ انرغبُو..غضب و بدى يريّبْ ذاتِي كل مرَّة شْوِيَّ

 

خَلِّيوْنِي نلعب بحروفي.. و نشتّتْها على كتابِي و تحمّر فِيَّ

انخيّطها بمدادي..وفْ صندوق عَقْلي تولِّي صفحة مطويّة

عَرْضُوا كِيسَانْكُم انْصُبْ لِكُمْ من عِينِييَّا

boussafa charifa26/03/2008

anims2ay5.gif

 

 

 

فْ لخْوا اللِّي عامر همْ

** 

فْ لخْوا

اللِّي العامر همْ

لخْوا

 المْطرطقْ غمْ 

لْخْوا

اللِّي إي مْصْ الدّمْ

وْ اللِّيتْ النّقّزْ بلاما نْحْشْمْ

شَطّحْنِي لخْوا

عَمّرْني فقصة

عَمّرْني وْ دموع

لخوا

اللي يغويكْ

 بالخوا

بالريح

بالمادة 

 

لخوا

المخرّجْ عينك

امْعصْبكْ

و امنسِّيكْ دينكْ

فْ لخوا

عمرتْ محنة

شْبعت غدايدْ

كليتْ ريْتي

بحال اللي عامرين خوا

تْمنِّيت نْخْوا

 

من لخوا

نْولِّي خاوية

بحال لخوا

نخوا من هم الزمان

نْخوي نْفاخي

نْتْفشْ…

نْ..تْ..فْ..شْ

فْ..شْشْشْشْ

شْشْشْشْ

نْخرجْ من القالبْ

القالب حياتي

القالبْني على عينْ قفاتي

القالب علي القفة

القالبها صبّاطْ

  من الإطار

  الخوا الخاوي

 

العامر ابْخْ

ابْ…خْخْخْ

عامر بالنفخة الخاوية

حيثْ دارْتْ لِي

هههههههههه


هههههه

  فْ الخْوا

 

30/06/2008إلهام

 ****

 

 

 

 

001sk4.gif

فرّشْتْ زربية اللِّيلْ الطويل و تغطِّيتْ بظلامُو

 

حطِّيتْ راسي على كتفُو و عيونِي ما نامُوا

ذوّقْنِي من سكاتُو وانا بدموعي كسرت صيامُو

ilham 04/01/2009

*****

انْباتْ نمْشطْ شعر الليلْ وْنضفرْ ظلامُو

نفْلي راسُو باش يغرق ف أحلامُو

 

نرارِي بيه حتى يفيقْ النهار بغيامُو

 نحكِي لو  قصص ألف ليلة وْ ليلة

نتْحايْلْ عليه بألف قصة وْ ألف حيلة

 يقلّبْني يمينْ و شمالْ بدموعي لعليلة

نباتْ نرقّعْ خيمة الليلْ المرصعة هموم

وحدي تحت نور القمر و عيون النجومْ

 نحفرْ..نحفرْ بيرْ الليلْ .. نشرب و نعومْ

حتى نوَلِّي نفَرّقْ ما بينْ الوردة والدّومْ

ilham 04/01/2009

***

333041194201805.jpg

غِيرْ مَعَ راسِي

كانْدَّابْزْ مع راسِي

طالْقة وَذنِي

نضحكْ عليهْ 

غِيرْ مَعَ راسِي

كانْتْخاصمْ مع راسِي

 اطلعْ لِي راسي فِي راسِي

4a4c9f95eb.jpg

كُنتْ ناسِياه

واللِّيتْ الدَّايَّاها فِيه

حالَّة عِينِي

نتْفَرَّجْ فِيه

أنا اللِّي حاسَّا بْ راسي

حسنْ عوانُو

على من نحُطْو

 

 دخَلْتْ سوقْ راسِي

ابْدِيتْ انْقَلَّبْ

 و انْتْسنَّطْ ليهْ

نبْحَثْ

انْقِّيه

 نخْويهْ

ندِّيها فِيهْ

 حيتْ قالْها لِي راسي

قالْها لِي لْ قرَّانْ دْ راسِي

boussafa charifa ilham02/06/2008

 

***

 

شفْتُونِي ضاحكة

 

و غرتُوا منِّي

أنا ديما ضاحكة

والغضبْ جنِّي

الضحكة سترة

كا تغدِّي فنِّي

ضاحكة فْ وْجُوهكم

وْ نزيدْ نغنِّي

ضاحكة عل العذابْ

أو بيه نحنِّي

  انقاوْمُو بْصبْري

حتّى يبعّدْ منِّي

شفْتُونِي ضاحكة

و غرتُوا منِّي

غانْبقى ضاحكة

ولو طاحْ سنِّي

نبقى ضاحكة

حتى تتهنّاوْا منِّي

ilham 14/11/2008

r25538413.gifboussafa charifa ilham20/03/2008

http://R255384.copyrightfrance.com

***

بحالي أنا

 

ما خاصُّو يدْوِي

 والمكان يخوِي

يمشِي للقرِينَة

و نفْسُو يطْوِي

واشْ الدّانِي أنا

نعبّرْ و ندْوِي

كنتْ ضاحكْ

واللِّيتْ بالغضبْ نرْوِي

نروِي ذاتِي

و عقلِي  مجلِي

خلِّيوْنِي بعيدْ

حدُودِي و خلْوِي

ilham 14/08/2008

*****

 

<a title=" Site déposé sur CopyrightFrance.com " href=" CopyrightFrance.com  

 

 

 

 

***


ياعْرُوقِي يا أوْتارْ ذاتِي

بدْلُوا النَّغْمة يمكن تَحيى

راها عياتْ و مازالا تزيدْ تعْيى

خَلِّيوْا دَمِّي يجْرِي فْ وديانُوا

بغِيتْ ريْتي تنَشَّفْ همِّي وترتاحْ

و الكبْدة الرهيفة تمنِّيتْها تقْصاحْ

ابغِيتْ راسِي ينتفْ مهرازُو و يجلِيه

يوَلِّي خفِيفْ من الصداعْ اللِي يعْمِيه

ابْغيتْ دَقَّاتْ قلبِي ما نسْمْعْها فْ وْذانِي

 نخرجْ من ذاتِي المْصَدْعانِي

 و بْ إلهامي انْغَدِّي روحي و وِجْدانِي

إلهام شريفة بُصَفا

****

***

 

 

10 Réponses à “رحلة البحت عن الذات”

  1. esmael dit :

    nice.very nice

  2. fatiha dit :

    شريفة,لا أملك الا أن أقف وقفة اجلال و تعظيم أمام كلماتك,تسافرين بي في كل مرة…شكرا..شكرا..شكرا
    أحببت كثيرا جملة طلع لي راسي فراسي..تبارك الله عليك أو خلاص

  3. ALMESSOURI Aziz dit :

    أختي الهام السلام عليك ورحمة الله
    تحية طيبة مفعمة بالاحترام والتقدير
    حقيقة نحن المغاربة نفتخر بك كمغربية لتطرقك لمواضيع تهم المجتمع المغربي بشكل مباشر ويا ريت أن تدون ما تكتبينه في كتيب ختى لا تضيع مجهوداتك سدى
    اعانك الله

  4. ibtissam sadouk dit :

    je ne trouve pas les mots adéquat walah tu es vraiment surprenante surtt rassi tla3 lia f rassi j’ai adoré
    merciiiiiiiiiiiiiiii mille fois

  5. hasna dit :

    salam ilaham kanchkrk 3lahad alkhawatir li3berti b9lbk 3la kol maykhlajk mn hezn whob oahasis metdarba kantmna lik twfi9 okantmna nchof ibda3at blfosha inchalah

  6. lina dit :

    wooooow tbarklah 3liik kheti hadchi vraiment wa3r ma3andi man9ool
    merçiiiiiiiiiiii

  7. ibtissam sadouk dit :

    khti ilham hadi 3amayn bach sadaft ci3r dialak w f kol mara kanktachaf fik hwyej zouinin w 9dach nti inssana massla w hassasa nass fhalak 9lal;kanhayik w kangoulik allah yzidak w yawnak w yarbi hta ana narja3 naktab kif zman

  8. norehoda dit :

    je trouve pas les mots pour te remerci 3la had lklam lfo9 lmzyan

  9. Anonyme dit :

    ليش لحيات هيك
    انا تعبت

  10. Anonyme dit :

    Texte bien pensé. Je viens de découvrir ce blog et vais continuer à le suivre !

    https://vacancesiledefrance.wordpress.com

Laisser un commentaire

 

cornillonchristophe |
Les Livres de Loïc ! |
UN PEU DE POESIE |
Unblog.fr | Créer un blog | Annuaire | Signaler un abus | Franck Bellucci
| Les maux du coeur
| Mes mots...