• Accueil
  • > اعلاش أنا هكذا…؟

اعلاش أنا هكذا…؟

اعلاش أنا هكذا...؟
Nouamane Lahlou a partagé votre photo.

إلهام بوصافة

 

زجالة مغربية بالمهجر

.
لمن يهوى الزجل المطرز بريحة وثقافة البلاد .

.
صور شعرية قوية ، ونادرة متجذرة من الأمثال الشعبية .

 

برافو إلهام

الرابط …  fleche041.gif

https://www.facebook.com/nouamane.lahlou/posts/598397823660213

..

.

…..

الرابط …  fleche041.gif

..
.
مساكم عوينة ثالثة

………………….
.
.
مساكم عوينة ثالثة…ما تتبع جيلالة بالنافخ و لا بالطبَلْ
فايقة مع جنابها …تفهمها و هي طايرة فوق راس الجبل
إيلا ابغَ يدوّرها لبحر خاتم ف صبعو تشربو بحال الرْمَل
بلا بيها ما يشوف لعمى…طلبوا الله ما يحرمنا من  لعقل
….
ilham boussafa
12/05/2016
..

اعلاش أنا هكذا…؟

و اللّي فيَ ما هنّاني

ما حيلتي لريوسي

و لا لْلبنت الساكناني

قالُوا لي…هذيك لالّة ميرا

قلت لهم…ماهي ميرا و لا خِيرا

و لا زبيدة بنت الدّحمناني

هذيك غير أنا و أنا و شلاّ من أنا

و ف أنا تمّا اللّعبة و فيها عنواني

ما فيَ حمّو و لا ولد عمّو

و لا الجيلالي ولد المداني

فيَ حرف مرة بالنقطة مرة بلاش

و كل حرف يجذب مع غيواني

أنا ابحال الهمزة …مرة على راس اللّيف

مرة تحت رجليه…قولوا…الله يحسن اعْواني

حايرة وسط ريوسي…

ها اللي يقول إيه

ها اللّي يقول لاّ

راني انقلّب عليَ…نتمنى ف ذاتي نلقاني

ilham boussfa
21/09/2012

..

..

 
من العين لْ اللسان
__________________
وانا غادا فْ دروبْ الأيّامْ شفت اللِّي ما يتشافغير بنصفْ عين

درت عين ميكة

زدتْ… خلّفْتْ

مشيت بعين وحدة

مرة نسدْ لِيمنا

مرة ليسْرا

جمعت شحال من شوفة

ها المخطوفة

ها الطّايحة

حرّشتْ عليهم لساني

قادْهم

زوّقهم

شي نقّاه

شي وسخُو

شي عرّاه

شي مسخُو

و عاوْد فيهم البيع

ف سوق التبركيك

قلة الشغل

لخوا

البُّخْ

سوق عطيني نعطيك

شي طاب

و شي ما طاب

سوق عامر شوفات

ناقصة

عين وحدة

غميزْ

عين ميكة

نص عين

من الفوق

من الْتحتْ

فرغ لساني قبُّو

بلا ريال

لا زوج

شرا الذنوب بالعرارم

حطْهُم على ظهري

ومشيت للهاوية

بعيني محلُولينْ

***
ilham boussafa
5/05/2009

.
..
..
 
قطرات زجلية

خفت عليَ منّي
و درت راسي ..أنا ماشي منّي
نهار واجهت خوفي
لقيت اللّي فيَ…كان خايف منّي
..

اشكون قال لخسارة خسارة

و الربح ربح…؟

اشحال من خسارة ربح

و اشحال من ربح خسارة

كاين اللي ربح…

و خسر ناسو

و نعاسو

و كاين اللي ف لخسارة

عاد عرف بقيمة راسو

إلهام
30/11/2011

.

.

ما حد الكلمة ما فيها مذاق …عنداك تمشي تقولها

ما تقطّع ليها الأوراق و لا تنقص من عرضها و طولها

خلّيها تطيب و تجلب العشّاق و تعجبهم بمعقولها


ilham boussafa
11/11/2011

..
..
..
 
منّي و اجْبد
_________
ابغيت نصلح الناس… لقيت راسي ما بقى ما يتصلح فيه
غير لساني طوااااال… تجبّد و وسخ الدنيا بالزواق محنّيه

ما نتحرّك…ما نتململ و البركة ف لساني لمشمّر على ذرعيه

ابغيت نصلح الناس…يا ريت نبدا براسي و نقتل لقمل اللي فيه

ilham boussafa
23/10/2011

Laisser un commentaire

 

cornillonchristophe |
Les Livres de Loïc ! |
UN PEU DE POESIE |
Unblog.fr | Créer un blog | Annuaire | Signaler un abus | Franck Bellucci
| Les maux du coeur
| Mes mots...