حرف بحرف بنيتْ قصور
حروف إلهام
حروف وصوت إلهام
يا حرُوفِي الغالية دُومِي وْ عيشي ليَّ
يا أجمل مشمومي المختور بْ يْدِّيّ
فْ بحر إلهامي عومي أو رقصي ليّ
وعلى قبري حومِي وْ ترحْمِي علِيّ
19/12/2008إلهام
boussafa charifa ilham02/03/2008
http://R255682.copyrightfrance.com
حروف وصوت إلهام
بْقلمِي ضربتْ اللِّيفْ فْ حيْطْ كتابِي
أو علَّقْتْ عليه لوحة حياتِي وْ عذابِي
تسابْقْتْ الحروفْ تجري وْ طلْ من بابي
تشوفْ أوّلْ حرفْ صُغرِي وْسيفْ شبابي
أول حرفْ تعلّمتُو قبل ما تخرج نيابِي
19/12/2008إلهام
فِيَ دعوَة
فِيَ دعوَة ديما يا ناس مضروبة بالحروفْ
يا كما خاصني ندبح دجاجة واللا خروفْ؟
فْ نصاصاتْ اللِّيل إيفَيْقُوني و عليهم نطوفْ
واللِّيت الله يحفْظ كل قنتْ فْداري بورقة و قلْمْ
ياكما مسكونة ذكرنا الله ونبِي واللاّ كَ نحلمْ؟
ilham 16/03/2009
يا صحابْ الحال
خلِّيوْنِي نْزلّكْ لحروفِي عقِيقْها
النّسِّيها همومها وْ نطفِي حريقْها
نهَوِّيها… نرْوِيها وْ نرَد ليها ريقْها
نسطّرها مشكلة مكحلة ف طريقها
نقرِّيها وْ نورِّيها عدُوها من صديقها
ilham 16/03/2009
اللِّيفْ اللِّي تعلّمْتْ ها هو اليوم قدّامِي
نقطع بيه الشوك و ندوب بيه غيامي
بيه نمشِي بعيدْ فْ العقابِي وْ ظلامِي
و لْ عشّاق الحرف نبلغْ بيه سلامي
ilham 16/03/2009
***
خلِّيت حروفي تدْوِي تعبّرْ بْ سكاتْها
أنا نعمّرْ فْ المزيودة أو هي خواتْها
خلِّيت حروفي تدوي بْ لسان لْقلْمْ
خلِّيتها تخطّطْ..تهندسْ..ترسم أو تحلْمْ
واخّا نسدْ عليها تخرجْ ماترمش أو ماتحشم
***
سيري حتى تجِي
مالك يا حروفِي هابْطة زربانة
هزي عينك أو شوفِي فْ المكَانة
المكانة هي الساعة
نعلي الشيطان عافاك راني عيانة
باغا حتى أنا نرتاح وْ نرجع الكانة
مالك يا حروفِي هابْطة زربانة
عارفاك عاقلة وْمربية عل الرزانة
كاتْهبطي بلا شوارِي
تفشي أسراري
وتشيْعِي اخباري
يا كْما…يا كْما…؟
كاتْسَحْرِي مع الدْراري؟
يا زينتْ العقيقْ
خلِّيني حتى نفيقْ
عاد ديري التحقيقْ
خلِّيني راه طاب نعاسي
عيني ذخلوا ف راسي
ما بقى لي باش نقِّي ضراسي
سيري حتى تجي يا زينتْ الخال وْاالنّكْدَة
أو هبطي فاعلة تاركة بالضمة الفتحة وْ الشدّة
كولينِي بْ حوايْجِي وانا فيك نششْ وبيك نتغدّى
سيري حتى تجِي
سيري..آآآ
حتى..آآآ
تْ…هاآآآ
جي…هِييييي
خْ..خْ..خْخْخْخْخْ
ilham 17/03/2009
شرح
آآآ
..خ..خ..خخخخ
يعني بقيتْ بالهضرة مع حروفي حتى واللِّيتْ نتفَوّه وْ نشخر
حروفي بغاوْا الليلة
شدُّوا..شدُّوا حروفِي راها فِي حالة
خارجة حفيانة علْ الجدْبة عُوّالة
شدُّوا..شدُّوا معايا شدُّوا يا الخاوَا
مايْبرْدُوا حروفِي غيرْ عِيساوى
خارجة شاعلة تفرقع الرمّانة
ياكْما طلعاتْ ليها السخانة؟
هاكِّينِي هاكّاوَا على حروفِي
طالعة غضْبانة من جوفِي
ماراعاتْ.. ماحشماتْ لْظروفِي
درتْ لْها الهمّة
أو لبساتْ الضمّة
أنا نقول يا حسْرا
وهي تزيدْ الكسرة
شدُّوا زينة الشّدة
بِيَ باغا تتغدّا
وْلْ يَ حشومة عليها
رمات النقط تحث رجليها
التّا..أتا..أتا إمّا مبسوطة
التّا..أتا..أتا وإمّا مربوطة
عشّاقة.. ملاّلة المسخوطة
شوفوا..شوفوا النون بالخالة
كَ تحرّكْ لا لاّ الغزالة بالآلة
ما يْنفعْنِي غيرْ الكتابْ
نديرو حيلة وْ سباب
وْنطلقْ سراحهم يا الحباب
هو دواهم احسن حجابْ
ilham 16/03/2009
****
كون يا حرفي بُوهالِي
الحرف الرزين والتابتْ عمرُو مايْعبّر
واخا يْجمع الحروف وعلى راسو يْدَبّرْ
والحرف البُوهالي إطلّعْ الشان وِ كبّرْ
يْمسح دموع العاشق وْ لعليل إصبّرْ
..
الحرف الرزين جلستُو تقنّطْ
الفراجة فيه تمرض و تحنّطْ
والبُوهالي ليه تسللْ وتْسنّطْ
…
خليك يا حرفِي بوهالي وعطِيها للجدبة
خوّضْ المِّيهة كتابي الصافية وْ العدبة
..
مابغيتكْ ياحرفي تكونْ تابت ولا رزين
مشيّكْ بْ النفاق..الكدوب وتقطر بالزين
..
بغيتك تخرج أو فين ما ولاكْ ترتاح وْ تباتْ
تزعزع إلهامي وتخلِّيه يْعبّرْ بْ لغة السكات
..
اخرج واخّا مقطّعْ…عريان أو حافي
طلعْ لي مناخرِي أو هز لي كتافي
جدب..شتفْ..برّدْ..أوْ شعلْ لْعوافِي
طرز النقط عل الحروفْ وسرح القوافي
مايْ همّكْ يا البوهالي آش إي قولوا ضيافي
…..
ilham boussafa 12/03/2009
الله إيحفظك آ المِيمة
بينْ الميمْ وْ الميمْ نعّسْتْ اليا مبْسُوطة
أو ختمتها بخاتم التّا مربُوطة
واللاّت الْمِّيمة محطُوطة منْسوطة
المِيم اللّوْلة درتْ تحتها فتحة كِ المخدّة
وْ على راسْها تاجْ مرصّعْ حب بالشّدّة
كلمة المِّيمة تريّحْنِي وْ روحِي بيها تتغدّى
طول العمر لْ المِّيمتِي زينتْ الضحكة وْ الشّدّة
***
الشدّة الأخيرة أقصد بها شدة الرأس….غطاء الرأس
ilham 08/01/2009
الله يرحمك آ البّا
درتْ ل حرفْ بَ جناوْحْ أُو سِيفْ
البّا
حطِّيتْ عليه الشدّة أُو دارْ النِّيفْ
البّا
بدى قلبي يجدْبْ وِقُول يا لطِيفْ
لساني مانطقْ بْ البّا غيرْ بالسِّيفْ
لاحُو عِينِي فصل الشتا عل الخريف
أُو برّدتْ غدايْدِي فْ وراقِي بْ انْتِيفْ
ilham 08/01/2009
كل نهار نخرّجْ عبْرة من الحروف
نصدَّقْها على راسي وْ قلبِي المنتُوفْ
عَ اللّه حرُوفِي تبعّدْ منِّي البْلا وْ الباسْ
ترجعْ صحتِي اللِّي كاتْ ريّبْ السّاسْ
وِزَنْدُوا جمارْ ذاتِي..نرتاح وْنشبعْ نعاسْ
ilham 09/01/2009
عتَرْ لساني
عتَرْ لساني أو طاحْ فْالحروفْ
مشى فالهضرة بلاما يْشوفْ
هبط الكلام القديم من الجوفْ
ملِّي خوى المزيوْدة بلا خوفْ
واللاّ خاطرو هانِي أو مرْخوفْ
19/12/2008 إلهام
تجمعتْ حروفِي كلها وْ دْواتْ
تسطْرْتْ بلا صداعْ ولا غواتْ
عبْرتْ بدموعها بلغة السكاتْ
19/12/2008إلهام
ما بْغاتْ حروفِي لا تهْدا ولا تْنامْ
أنا نصوّمْها أو هي تكْسْرْ الصِّيامْ
مللِّي انعسْ تضربنِي بالكلام
19/12/2008إلهام
نزْلُوا وْراقِي يْتْراقْصُوا فْ خريفِي
أو سالُوا حرُوفِي بالإلهامْ من نزيفِي
غذِّيتْ وْ كرمْتْ كتابِي بحال ضيفِي
نزفتْ حروفِي سايْلة بالغضبْ و الهمْ
نزْلْتْ على حيوطْ كتابي بلاما تحشْمْ
زعزعتْ حواسِّي وْ تْخلطتْ مع الدم
حروفْ عياتْ ما تخبّعْ أسرارْها وْ تكتمْ
خلِّيتْها لحالها تنزل على وْراقِي وْ تردْمْ
وانا بقلمي نجمعها أو بالنُّقط فيها نرجمْ
19/12/2008إلهام
أنت ياحروفِي قريبة ليَّ أكثر من الخُّوتِي
نهار نموتْ بقايْ دايمة يا لحنينة ما تْموتِي
19/12/2008إلهام
تْشَتْتُوا حْرُوفِي عْلى كتابِي كِ العْقِيقْ
طاحوا فْ صحرا عقلي أو تلْفُوا علْ الطريقْ
غَرْقُوا فْ رْمالُوا ما لْقاوْا لا حبيبْ ولا صديقْ
بْدا مدادِي إي زلَّكْ حرفْ وْ حروفْ
إي زَلّكْ فْ عْذابْ الوقتْ وْالظُّروفْ
إي زلَّكْ الحروفْ الواقفة فْ الجّوفْ
إي زلَّكْ مدادي عقيقْ ذاتِي
عقِيقْ يْحكِي بْدموعو حياتِي
02/06/2008
نزلْتْ عليّ شتاء الحروفْ
وْسْقاتْ عْروقِي من هم الظروف
نزلت بأمطارْ الإلهامْ
أو عمْ الخير فْالوجدانْ
كان الجفافْ ف ذاتي
فْ ثرابْ حياتي
واللاّتْ حروفي نُوّارْ
أزهار أو أشجارْ
حكايات أو أشعار
يا شتاء حروفي يالصافية
نزْلِي…نْزْلي
برْدي جوارْحي من العافية
نزلي وْ سقيني
أو بالشِّعر رْوِينِي
اطْفي عذابِي
أو حُلِّي بابي
باب عقلي
باب روحي
أو عيشي فْ ثرابي
فْ ثراب كتابي
إلهام23/07/2008
أوراقْ كتابي
أوراقْ كتابي يازرابي منسوجة
بخْيوطْ من حريرْ قلبي منجوجة
يا كتافْ ألبّا الحنين العالية
ياجناوح أمي ك أغصان الدّالية
يا ثراب بلادي الغالية
و عسل النحلة الحر و اللذيذ
يا كسوة صبيّة نهار العيد
يا ورث لأولادنا العالي البنيان
و منبع تاريخنا العريق بكل ألوان
وراق كتابي..يا أجمل لحظات
عشتها ف بلادي بأحلى النغمات
بأحلام جميلة عمّرها ما تحققاتْ
مع الوقت والعمر تغيْرات
أحلام عمْرتْ الصفحات
مازالة ننسجها لتحقيق الذات
بحروف إلهام الباكية عل الذات
اللي نتفها المرض أو رْشاتْ
إلهام 23/07/2008
بصفعة من الإلهام
جمعت مع حروفي
الصّاطْ…الصّاطْ…
بديت نجمع أو نجمع
حتى تجمعوا
أو جمعوا راسهم
بصفعة الإلهام
اللي يصفعني ف غرق الأحلام
يجمع معايا بالكلام
ما نطيّح ولو حرف من حروفو
هو يْصفعْ وِجمع معايا
الصّاطْ…الصّاطْ…
وانا نجمع راسي
و نحْطْ الساس
وتاد للكلام
…
نْجمعْ راسي
نْعْمر..نْعْمر
مانْبقاشْ نْقْشْعْ
أو نبدى نجمع مع حروفي
نصفع..نصفع
الصّاطْ…الصّاطْ
حتى يْ طُعوني
وِ وْاللِّيوْا كلامْ
نبرّد غدايدي فْ الحروفْ
بْالقميشْ والنتِيفْ
نْمحِيهم من الوجود بالسيفْ
نْلُوح كسوة الكلام
مخيطة…
مْطرْزة…
مْدَرْسة
مرصْعة بالحروف
نْتْفها بين الكْساوي
نْرْميها
أو القلب مازال يْنبْضْ
الإلهام يْصفعني
أنا نصفع حروفي
الكلام يْصفع الكتاب
والكتاب إيغدِّي الإنسان
وِ نسِّيه
دواير الزمان
إلهام 25/09/2008
***
حرفْ بْحرْفْ
كوَّنْتْ كلامْ
حرف بْحرفْ
حقَّقتْ أحلامْ
حفرْتْ الساسْ
بْلا فاسْ
ولا صداعْ الرَّاسْ
طلَّعْتْ صوارْ من المعانِي
بْنيتْ قصورْ من القصص
فرَّشْتْ السما بالأشعارْ
تْرَبَّعْتْ على عرشْ السحابْ
زْرعْتْ فِيهْ حروفِي بحال الكتاب
وقفْتْ فوقْ الماء
حرفْ بْحرفْ
ضحَّكْتْ النَّاسْ
بكِّيتْهُمْ
خرَّجْتهُم من همومهم
غدِّيتْهم
خدَّرْتْ عقُولهمْ
حرف بْحرفْ
زلَّكْتْ حروفْ
حرف بْحرفْ
زْرعْتْ حروفْ
حمَّقْتْها
دوَّخْتْها
لعَبْتْ بيها
بحال لعبة الزمان
قْتْلْها وْحْيِيتْها
برَّدْتْ غدايْدِي فِيها
سستْ راسِي على حسابْها
ركبْتْ
وتْعَدِّيتْ علِيها
فيَّقْتْها من غرقْ النعاسْ
نْتْفْتْها من ثرابْها
عجْنْتْها
صبغتها
شَتَّتْها
لحْتْ عليها همِّي
وسَّخْتْها بْعْذابِي
سدِّيتْ عْلِيها فْ عقلِي
هي ملْكِي
خاضعة ليَّ
حانيَّة الرَّاسْ
حروفِي طفولتي
وْشبابي
ذكرياتْ حومتِي
وْحبابي
لحن إلهامي
و ربيعْ أيَّامِي
07/06/2008إلهام
**
***
حلْ الحرفْ بابْ كتابُو
أو دخَلْ خوه الحرفْ
عَنْقُو
واساهْ
فرحْ بيه
مدْ الحرفْ يْدُّو لْخوه الحرفْ
حنْ عْلِيهْ
كرْمُو
وْسْمَعْ لْ همُّو
هزْ الحرفْ بْخوه الحرفْ
عْلاَّ بْ مْقامُو
رَبْعُو عْلى عرْشُو
التَّاحْدْ الحرفْ مع خوه الحرفْ
حْياوْا صلة الرحِمْ مع الحروفْ
عْلاَّوْا جبالْ
بْناوْا قصور
خلْقُو قصص
أو أشْعارْ
فْ دارْ الكتابْ
إلهام02/06/2008
******
***
****
يا حْرُوفِي
***
رقصي يا حْرُوفِي فْ خيْمة كْتابِي
جَدْبِي وْطْفِي نارْ عْذابِي
نسِّينِي ظُرُوفِي وْ غِيبة احْبابي
عَزْفِي عْلى أوْثارْ عُودْ عْرُوقِي
مَتْعِي روحِي وَلَوْ بْحَقْ منْ حْقُوقِي
ilham15/04/2008
***
حكم عليّ الحاكْمْ
نكون للشعر خادْمْ
حكم عليّ الحاكْمْ
فْ بْكا النّاس نْعومْ
من غرق النعاس النُّوضْ مرغومْ
نْبَكِّي الحروفْ على كتابِي بالهمومْ
هموم عسل الدنيا الفانية المسمومْ
نكحّلْ لكلامي بكحل حار من الحموم
أنا راضي بحكم الحاكْمْ
للشعر نبقى خادْمْ
بالشعر نْعاتْبْ الظّالمْ
وْ نْواسي المظلومْ
بالشعر نصبر الحالمْ
وْ نْبَرّدْ نارْ المغرومْ
يا ريت يحكم على الفرحة الدّومْ
إلهام25/09/2008
***
ضاعْ لِي حرفْ من حروفِي
وَسْطْ همِّي وظُرُوفِي
ضاعْ حرفِي أو ضَعْتْ معاهْ
فْ زمانْ مْطرْطَقْ همُومْ
وْاللاَّ كْلامِي غْريبْ
تمْتامْ
وْاللِّيتْ نْدخُلْ
أو نخرجْ فْ الهضرة
حرْفْ واحْدْ
بسيطْ
شتَّتْ شملْ حروفِي
دمَّرْ كْلامِي
واللاَّ بلا لْجامْ
ما مَفْهُومشْ
بحالْ الغرامْ
عْمى
بلا معنى
عايشْ وسط الظلامْ
مايْفَرَّقْ بينْ الحلالْ أو الحرامْ
وْاللِّيتْ تالفة
نْرقَّعْ فْ دْرُوبَةْ كتابِي
ماكنتْ دايرة لهذا حسابِي
رَوَّنْتْ دارْ كْتابِي
صفحة بْصفْحة
سطرْ بْسْطَرْ
حتى حْفاوْا عِينِي
حرفْ واحدْ
وسط الحروفْ
عندو مكانْتُو
عندو قِيمتُو
كانْ جميلْ
أوْ قبيحْ
حرفْ
خْلاَّ بْلاصْتُو
31/05/2008إلهام
***
طاحوا نقطْ حروفِي
تشتتْ عْقيقْها
تشتتْ شمْلْها
ضاعُوا معانِيها
وْمَضْمونْها
طاحوا سوالْفْها
طاحت قيمتها
حروفْ بلا نقطْ
فْ زمن كُلُّو نقطْ
أكثر منْ الحروفْ
زمن كلُّو تمارينْ
كُلُّو إمتِحاناتْ
الزمن أستاد
وحنا الطَّلبة
طالْبِينْ السْلاكْ
من صعوبة الإمتحاناتْ
طالْبِينْ التسْلِيمْ
طالبِينْ السلَّة بْلا عْنْبْ
حروفْ الدنيا قلِيلة
نُقَطْها كثارْ
واجَّ ما فَسَّرها
واجَّ ما شكَّلْها
واجَّ ما عرَّبْها
طاحتْ نقطْ حروفِي
تشتْتْ عقِيقها
زَلَّكْتْ دموعِي
فْ خيطْ إيَّامِي
أو حطِّيتْها فْ عنقْ حروفِي
زَلَّكْتْ حروفِي
بْعْقِيقْ دموعِي
أو زيَّنْتْ بيها حياتِي
إلهام02 /06/2008
******
عندما يرفض قلمي نقش الحروف على باب الزمن
يسجنه قاضي العقل إلى أن يكف على تمرده وعدم الطاعة
http://R255682.copyrightfrance.com
أقْطِفُ ثِمارَ أفْكارِي من شجرة حياتِي
ilham03/02/1985
***
أحضنيني ياأوراق كتابي
وفرجي عني كربي وعذابي
لاترميني في صخرية أصحابي
لاتتركيني مع قلمي خلف الباب
دعيني أرسم لوحاتي الفنية
بألوان أشعاري الرومانسية
فتبدو قصائد بالحب غنية
أعلقها على جدران أحلامي
لكي أسبح في عالم إلهامي
أحضنيني ياأوراقي وَونِّسِينِي
طاقة الوحدة والصمت لاتُحَمِّلِيني
بالفرحة لضيافة أفكاري أُغْمُريني
فكلماتي تتشاجر من كثرة الإنتظار
تود الخلاص من سجن الأسرار
بحبر من حياتي يتدفق كالأنهار
boussafa charifa 06/03/2008
http://R255682.copyrightfrance.com
علَّم قلمي الكلمات
علَّم قلمي الكلمات أن تُعبِّر عن عذابها
وأن تصرخ في دروب السطور بمصابها
علَّمَ قلمي حروف الأشجار النمو في الخريف
لكي تدوم فواكها للقلب المتألِّم الضعيف
علم قلمي حروف الجبال أن تبقى قوية صامدة
لاتزعزعها عاصفة النفوس الخبيثة الخامدة
علم قلمي الحروف أن تصل رحمها وجيرانها
من حرف إلى كلمة فتصبح بحرا يطفي نيرانها
علم قلمي الكلمات أن تجول في شوارع الأوراق
وأن تحلق في سماء المجلات وقصص العشاق
لكي تظل سلاح الشعوب وتنير لهم الآفاق
علم قلمي الكلمات أن تسكن مدينة الكتاب
يزورها الناس للتمتع وتجاوز الصعاب
علم قلمي الكلمات أن تصبح للقلب طبيبة
وتداوي بعباراتها الرقيقة الحبيب والحبيبة
أيتها الكلمات أذخلي في ثراب الروايات
فتبرحي حديقة الأحلام في قصر الحكايات
بحروفك السحرية تحولي إلى سيناريوهات
إختاري الإخراج و تَقمَّصي كل الشخصيات
إنطلِقي أيتها الكلمات في الصحف والدفاتر
بقلمٍ إبْصمي الحب في القلوب والخواطر
إصنعي جملا توبخ العقول والضمائر
تحولي إلى قصص عجيبة خيالية
وغذي الروح بالأشعار الرومانسية
تدفقت حروفي بلهفة على دفتري
جمعتها روحي فأضحت عنبري
أرقصي وغني ياكلماتي وتمختري
تكوني إلى مواضع هادفة وتحرري
بالغدر والعدوان والظلم لاتتأثري
على المظلومين والمحسنين إسهري
دومي كريمة،مبدعة ومنيرة لا تتغيري
boussafa charifa ilham02/03/2008
http://R255682.copyrightfrance.com
Un Blog, des Blogs - Vous pouvez, vous aussi créer un blog !
24 septembre 2008 à 21:27
excellent akhti 3jabni had zajal bzaffffffffffff en faite hta ana kanktab ezajal mais hadi mouda kanhass brassi incapable d’ecrire man3raf mali hali mahou hall.lmouhim tbarkalah 3lik
25 septembre 2008 à 22:18
MERCI BCP ILHAM WALAH HTA DAKHALTI LFARHA 3LA 9ALBI LA3LIL BAL MOUNASSABA ANA RADI NANCHAR 3ANDAK HAD LA9SSIDA WNTMA T3JBAK.
SEALTAK A 9ALBI MALAK MAHMOUM
JAWBNI JWAB KOULOU LOUM
T3AJABT MAN RADOU LAHZIN
W 9OULT MOUMKIN YKOUN HNIN AW TEATAR BNADRAT L3IN
W 9OULT N3AWAD ESSOUAL FALHIN
JAWBNI BSSARAH A9RAB MANHA LWA9AHA
W 9ALI 3LACH NTI HAKDA DALMANI W DIMA MSSAKTANI
MANFRAH MANMRAH FHAL 9RANI DIMA HZIN WLA MAN YSSEAL 3AN 3OUNWANI
9OULT LOU MAKFAK LAMRAR LI JARA3TINI MAN LHOUB LAWAL LI 3AYACHTINI
NSSITI LWIL LI CHAWAFTINI WLA TNASSTI WJAY TNASSINI
W JAY T3AWAD LKARA W T9OUL KAN ZMAN
W DIK LMARA MAHI KIF HAD LMARA
LA YA 9ALBI MATLIT BRIT KFANI MADA 9ASSIT
WALAH WALAH MABRIT.
5 octobre 2008 à 0:04
شكرا على جميل التعابير أرجو لك التوفيق
لاأريد أن أقول لك أني أكتب
أيضا .
كلمة كلمة والكلام مايتقادى
كلمة حكمة وكلمة نقمة
كلمة تشرح وكلمة تفضح
كلمة افادة وكلمة اعادة
والراس الى أعيا يبغي السادة
شكرا والسلام.
23 décembre 2008 à 17:21
merci chere ilham
j’ai pris l’habitude de visiter ton site a chak fois k je me connecte.
je t’aime comme exemple de solitude et de volonte
continue chere ilham
tu es quelq’un qui merite bcp de chose
et une minute de la vie te donnera surement ce que tu merite
25 janvier 2009 à 2:34
جميل ما تكتُبين يا أختي
28 janvier 2009 à 21:11
ilham vraiment tbarklah 3lik w lah yhafdak w ynajik rien a dire bravo continue cherie tu es a la hauteur
30 janvier 2009 à 18:24
slt khti ilham
hadi 9assida mani lik
Balaght lik alf slam oslam
fi 9aftane ziti m3ala9 fi bab biti
omnine mt ala7biba malki majiti
badmo3ak ghasloni
ob cha3rak kafnoni
ob 9albak dafnoni
1 février 2009 à 20:39
salam lala ILHAM ca va 3lik a CHA3iRA dialna 3andi lik wa7ad l9assida nit:
a3od ilayki li2anani adrakto anaki lkhiyaro ladi ana ma7doud bihi.a3od ilayki ba3dama jarafani tayar,wada3at bi toro9at.iktachafto so3obat atajriba,wamararate al2ayame.a3odo ilayki a7milo 9albi bayna yadi,wa2i7ssass yatajawazo missa7at alogha la takfihi kalimat al2i3tidar.i7ssass ta3ama9at jodoroh,fa2arada ane yatanafasse ,famacha na7waki taw3anli2anaki anti lmassar.
7anini aliyki tofane yadfa3oni ilayki yanza3oni min koli al3alame wayahrobo ilayki.konto a7ssibo anani ara lmalami7,waktachafto anani min doni 9assd ab7ato 3an malami7ik,asma3o al7anan mokhtalifa,wa2adrakto anani ab7ato 3an naghmati sawtik.ata2amalo zor9at assamawat,wa3arafto anani kont ab7ato 3an lawn 3aynayki assafiatayni.
nanssa 9imat al2achya2 7inama takono lana,na3ta9id ana ma8owa mota7 lana la yasta7i9o al3anae,noghalito anfossana fi sabili achay2e alba3id,warobama noda7i min ajli alwossoli ilay8i.wa ya lalmarara 3indama naktachifo annana kona notarido alwa8me,wama konna na7tajoho bilfi3l kana bayna aydina.kayfa kanat fi wa9ti8a al2achya2e dababiya,wa kame hiya wadi7a al2ane.
kayfa yomkino li ane o3awida laki mafat,wa2aj3al ayamaki nachwata7foha sa3ada mine koli makane?atamana ane asougha laki mina sinine 9iladata fara7,albisoki iyaha.ya laytani astati3o ane aj3ala hada l9alb al7anoune yach3or bil2amane watoma2nina.
kol sa3a 3ichto8a ba3idane 3anki 3arafto bi3adadi tawani8a kam anti mokhtalifa.wa kayfa yataghayaro al3alame walbachar wal2alwane fa9at limojarradi ghiyab inssane.
23 février 2009 à 22:54
tbarek llah 3lik
11 mars 2009 à 11:29
ilham tu reste la meilleure,j’ai adoré ton poeme sur lamima et bba,et j’ai surtout aimé cette expression:كل نهارنخرج عبرة من الحروف
نصدقها على راسي وقلبي المنتوف
merci ilham,tu me touche au fond avec tes expressions que je ne trouve nul part
11 mars 2009 à 12:44
fatiha 3ach men chafek…..
khalliti blastek ….
7roufi kanou 3atchanine men ghibtek…
w twa77acht 7roufek
melli nti bikhir hadak howa lkhir
ilham
18 avril 2009 à 16:32
تعرفين اغبطك على موهبتك و كتاباتك
فهي جميلة و معبرة
و في نفس الوقت
منفد لما يختلج الصدر
فلك اختي مني كل التقدير و اللإعجاب
20 avril 2009 à 8:38
سلامي ليك نهديه ألورده
فاح عـطرك حلاوته شهده
تقطر عسيله وحده وحده
قلت خص نذوق أنا بعده
لقيت بنه ف المعنى ولده
لي داق اليوم إرجع غده
3 mai 2009 à 2:05
Le docteur n’est pas toujours chafi
le temps n’est pas toujours kafi,
l’amour n’est pas toujours safi
mais quand t’a besoin de moi
je cours hafi
avec un coeur dafi……….
je t’aime yalli nchoufek dima fi ahlami w ammali w ya kol nassi
7 mai 2009 à 18:41
salam ana malmaghrib wa3jabni hadalkalimat li3andhom kol ma3na fa7yatna bari ncharak m3akom wan9ol danya rarara 00212677210884
16 mai 2009 à 21:48
je suis ravi de decouvrir ce site .c’est ma premiere visite et en espérant du nouveau en zajal bonne continuation.
AMITIÉ
20 novembre 2009 à 21:49
salut cava moi rachid de taza